ئیش ناڕوات

.

ئیش ناڕوات

× وەرە بەگم تەماشاکە.. ئەها چ حیکمەتێکیان نووسیوە.
- نەبڕایەوە ئەم هەموو حیکمەتە مردووت نەمرێ؟!
× ئەمەیان زۆر جیاوازە قوربان.. وەرە بیخوێنەرەوە.. بزانە بە حەیاتت شتی وا بەهێزت بیستووە؟!
- عەینەکەکەم بیرچووە.. ئەڵێ چی؟!
× نەسیحەتە ئوستاز.. ئەڵێ بۆ توڕە کردنی ئەسپ نابێ سواری کەر بیت... توو چاوی ئەولادت حیکمەتە یان حیککمەت نی یە؟
- بۆ حیکمەتیی خوا هەڵناگرێ حیکمەتە.. بەڵام ئسلوبەکەی جوان نی یە.. ئەتوانرا بە مستەوایەکی بەرزتر عەینی قسە بکرایە.
× ئا.. یەعنی تۆ لە کەرەکە ناڕازیت؟!
- جا نۆرەی ئەم بوختانەمانە.. من کوا باسی کەرم کردووە.. کەی وتومە لە کەر ناڕازییم.. ئەی هاوار تۆ بۆ هەر ئەتەوێ موشکیلەم بۆ دروست بکەی.. گوناحت ئەگات وەڵڵا.. من ..
× هێواش بەگم هێواش.. ئەوە بۆ وا ئینفیعالت کرد؟! هەمووی لەسەر کەرێک؟! خۆت ناڕەحەت مەکە گەورەم هەرچی کەری ئەم مەملەکەتە هەیە ئەیکەم بەساقەی سەعاتێکت
- خوا نەکا رۆڵە.. ئیشەڵڵا ئێمەش سەلامەت ئەبین و ئەوانیش سەلامەت ئەبن.
× حای لەوە.. دوعا بۆ کەر ئەکەی؟
- بەڵێ تەبعەن.. کەر زۆر زۆر زەرورە ئەمڕۆ..
× بۆچی زەرورە بەساقەو بم؟
- تۆ سەیری ئەم فەیلەسووفە!! رۆڵە گیان ئەگەر (کەر) نەبێ ئیش ناڕوات.