حاكم قادر: ده‌بێت ڕه‌چاوی به‌رژه‌وه‌ندی باڵای یه‌كێتی بكه‌ین

.

سه‌رله‌به‌یانی ئه‌مڕۆ 24-8-2019، حاكم قادرحه‌مه‌جان ئه‌ندامی ده‌سته‌ی كارگێڕی مه‌كته‌بی سیاسی ولێپرسراوی مه‌ڵبه‌ندی ڕێكخستنی سلێمانی یه‌كێتی نیشتمانی كوردستان، به‌مه‌به‌ستی له‌نزیكه‌وه‌ به‌ئاگابوونی  ئه‌ندامانی ئه‌نجومه‌نی مه‌ڵبه‌ندی ڕێكخستنی سلێمانی  له‌باره‌ی دواپێشهاته‌ ساسی یه‌كانی ناوخۆی هه‌رێم و عیراق وناوچه‌كه‌و گۆڕانكارییه‌ چاوه‌ڕواننه‌كراوه‌كانی سه‌رگۆڕه‌پانی سیاسی هه‌رێمی كوردستان به‌گشتی و به‌تایبه‌تله‌باره‌ی پرسی نوێبوونه‌وه‌ی یه‌كێتی وخستنه‌ڕووی دواهه‌وڵه‌كان بۆ به‌ستنی كۆنگره‌ی یه‌كێتی، حاكم قادر وتی: یه‌كێتی ناو یه‌كێتی و یه‌ك ده‌نگی یه‌كێتی یه‌كان، به‌پاراستنی به‌رژه‌وه‌ندی باڵای یه‌كێتی و هه‌وڵدان بۆ ڕێكخستنه‌وه‌و نوێبوونه‌وه‌ی یه‌كێتی، ئه‌ركی كادرانی دڵسۆزو خه‌مخۆرانی پۆشینی به‌رگێكی نوێن به‌به‌ری یه‌كێتی یه‌كه‌یاندا و وتی: یه‌كێتی خاوه‌ن پێگه‌یه‌كی به‌هێزو هه‌ڵوێستی سیاسی نه‌گۆڕه‌و وه‌ك هێزی شه‌هیدان، له‌چه‌ند ئه‌زمونێكدا و به‌سه‌ركه‌وتوویی چه‌ندین قۆناغی سه‌ختی بڕیوه‌، هه‌ر له‌و ڕوانگه‌یه‌وه‌ داوای له‌كادرانی مه‌ڵبه‌ند كرد بۆ پاراستنی هه‌موو ئه‌و سه‌ركه‌وتانه‌ كه‌به‌ سه‌ركه‌وتنی كۆنگره‌یه‌كی ئارام به‌خش  ده‌سته‌به‌ر ده‌بێ، ڕه‌چاوی به‌رژه‌وه‌ندی به‌رزی یه‌كێتی بكه‌ن.

PUKmedia