هەدەپە و قەیومەكانی ئەردۆگان
بیروڕا 02:45 PM - 2019-08-24.
دوای دۆڕانە جەرگبڕەكەی ئاكپارتی لەهەڵبژاردنە شارەوانییەكانی ئەمدواییەی توركیا، رەجەب تەیب ئەردۆگان لە لێدوانێكدا زۆر بە راشكاوی ستراتیژی ئایندەی حكومەتەكەی بۆ روبەروو بوونەوەی هەر قەیرانێكی نێوخۆیی ئاشكرا كردوو وتی: ( بە هیچ شێوەیەك رێگا نادەین ئەو شارەوانیانەی لەدەستمانچووە لەلایەن كەسانێكەوە بەرێوەببرێن كە پشتگیری قەندیل دەكەن)، هەندێ چاودێری نێوخۆیی توركیا و دەرەوەش پێیان وابوو ، لێدوانەهەڕەشەئامێزەكەی ئەردۆگان تای هەڵبژاردن و دۆراندنی شارەوانییەكانە بەتایبەتی شارەوانی ئەستەمبوڵ، بەڵام لە واقیعدا بەرنامەی دارێژراوی حكومەتەكەی ئەردۆگان بوو بۆ بەرانگاربوونەوەی مەددی هێزی پێشكەوتووخوازی وەك هەدەپە و شەپۆلی حزبە سیكۆلارەكان و بەرپەرچدانەوەی هەر ئەگەرێكی نەخوازراو كە ببێتە مایەی نەك تەنیا لەدەستدانی پۆست و دەسەڵاتەكەی بەڵكو دوورخستنەوەشی لە ژیانی سیاسیی كە ئەویش بە تەنیا بە روودانی كودەتا دروستدەبێت .
لە خەیاڵدانی ئەردۆگاندا تەنیا رێگە بۆ راماڵینی دێوەزمەی كودەتا كە لە گۆرەپانی توركیادا چەند بارەبۆتەوە و دەسەڵاتی پێگۆراوە، دۆزینەوەی (الحلقە الاچعف)ی نێو پارتە سیاسییەكانی توركیایە بۆ ئەوەی لەو رێیەوە بتوانێ قەیرانێكی نێوخۆیی دروستبكات و عەسكەری پێ سەرقال بكات و خۆی و حزبەكەی لەو مەترسیانە دووربخاتەوە كە پێی وایە ئەگەری كوتای لێدەكەوێتەوە. ئەو رێگایەش خۆی لە لابردنی سەرۆكی سێ شارەوانی ناوچەكوردییەكان دەبینێتەوە و دانانی قەیوم لەجێیان، ئەردۆگان لە هەمووكەس زیاتر هەست بە نایاسایی و نادەستووریی دەستبردەنەكەی دەكات بۆ لابردنی ئەو سێ سەرۆك شارەوانییەو لەهەموو كەسیش زیاتر درك بەو راستییە دەكات كە ئەو جۆرە لابردنە نەك قازانجی بۆ پێگەی سیاسیی خۆی و حزبەكەی نییە بەڵكو زیانی گەورەشی بۆ پێگەی جەماورەیی و دەنگدەر و هەوادارانیشی هەیە، چونكە ئەگەر بیزانیایە دانانی قەیوم بۆ شارەوانییە لەدەستچووەكانی سودی هەیە ئەوا سەرەتاولە دەستپێكدا سەرۆكی شارەوانی ئەستەمبولی لادەبرد و بەقەیوم بەرێوەی دەبرد چونكە چەندین جار لە میانی بانگەشەكانی هەڵبژاردندا ئەردۆگان دووپاتی دەكردەوە هەر حزبێك لە هەڵبژاردندا شاری ئەستەمبول بدۆرێنێ ، توركیای دۆراندووە، بۆیە دەستبردنی ئەردۆگان بۆ لابردنی سەرۆكی سێ شارەوانی ناوچە كوردییەكان ، هێَندە بۆ دروستكردنی قەیرانی نێوخۆییە ئەویش بۆ سەرقالكردنی عەسكەرە هێندە بۆ لابردنی سەرۆكی شارەوانییە لەدەستچووەكان نییە.
بەڵام لێرەدا ئەردۆگان لایەنێكی هەڵبژارد كە پێی وایە كەمترین كاردانەوەی لێدەكەوێتەوە ، لایەنی كوردییە بۆیە سێ سەرۆكی شارەوانی لابرد كە هەر سێكیان لەلایەن كوردە بەرێوەدەبرێن ، تەوقیتی لابردنی بەقیوم بەرێوەبردنی ئەو شارەوانییانە جەوهەری مەسەلەكەیە و خاڵێكی گرنگیشە لەكۆی ئەو بەرنامە و ستراتیژە دارێژراوەی كە ئەردۆگان نەخشاندویەتی بۆ بەرەنگاربوونەوەی مەترسییەكانی سەر خۆی و حزبەكەی ، ئەگەر سەرنج بدرێت لابردنی سەرۆكی شارەوانییە كوردەكان هاوكات بوو لەگەڵ بۆردومانكردنی كاروانێكی سەربازی سوپای توركیا لەنێو خاكی سوریا لەلایەن فرۆكە جەنگیەكانی بەشار ئەسەد . زیانی بۆردومانكردنی ئەو كاروانە بۆ ئەردۆگان تەنیا ئۆتۆمبێلی سەربازی و تانك و زریبوشی كاروانەكە نەبوو، بەڵكو شیوەنەكەی ئەردۆگان بۆ شكاندنی شكۆی سوپای توركیایە لەلایەن هێزی وڵاتێكەوەیە كە سەرۆكی حكومەت و وڵاتەكەش لەلایەن ئێران و روسیاوە بەقیوم بەرێوەدەبرێ كە ئەویش سوریای بەشار ئەسەدە ، شیوەنی ئەردۆگان ترسە لە كاردانەوەی عەسكەرە كە توركیا بەو هەموو جەبەرەت و ژێرخانە سەربازییە گەورەو بەهێزەیە لە رووی هێزی ئاسمانیی و دەریایی و پیادەییەوە ، كاروانە سەربازییەكەی لە نێوخاكی سوریادا نەك نەیتوانی فریاری موعارەزەی سوریا بكەوێت لە هێرشەكانی سوپای بەشار ئەسەد لە شەری (خان شەینخون) دا ، بەڵكو قوربەسەرانە كاروانەكە لە ئاسمانەوە زەلیلی تەنیا یەك فرۆكەی كۆنی سەربازی سوپای سوریا بۆتەوە و لە سەر زەویشدا ئابڵوقەدراون . ئەم قەیرانە چاوەراننەكراوەی كە یەخەی ئەردۆگانی گرتۆتەوە.
وایلێكرد یەكێك لەو كارتانە بەكاربهێنێ كە پێشتر بەهۆی شكستەكانی هەڵبژاردنی شاروانەییەكانەوەدایرشتبوو بۆ سەرقاڵكردنی عەسكەر بۆ دورخستنەوەی خۆی حزبەكەی لە ئەگەری كودەتا ، كارتەكەش بریتیی بوو لەدروستكردنی كێشەو قەیرانی لابردنی سەرۆكە شارەوانییە كوردەكان بوو ،بۆ ئەوەی سوپا بە كێشەیەكەوە سەرقال بكات كە پەیوەندی بەكوردەوە هەیە لەناو توركیادا.
PUKmedia مەریوان عەلی محەمەد
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 107 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26 -
لە یادی بۆردومانی هەڵەبجەدا
بیروڕا 11:03 PM - 2024-04-25 -
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25