‎كۆسره‌ت ڕه‌سول به‌شداری له‌ پرسه‌ی دوو كه‌سایه‌تی هه‌ولێر كرد

.

‎ئێواره‌ی ئه‌مڕۆ پێنجشه‌ممه‌ ٢٢/٨/٢٠١٩ له‌شاری هه‌ولێر كۆسره‌ت ڕه‌سول عه‌لی جێگری سكرتێری گشتی یه‌كێتی نیشتمانی كوردستان به‌شداری كرد له‌ پرسه‌ی هه‌ردوو كه‌سایه‌تی دیار (ئه‌حمه‌د سلێمان ڕه‌سول ئاغا دیبه‌گه‌یی و محه‌مه‌د ڕه‌سول).

‎له‌میانی به‌شداریكردنی له‌ پرسه‌كانیان جێگری سكرتێری گشتی پرسه‌و سه‌ره‌خۆشی و هاوخه‌می خۆی ئاراسته‌ی خانه‌واده‌ی كۆچكردووان كردو هیوای خواست ئه‌مه‌ دواكۆست و ناخۆشی هه‌مووان بێ و دووپاتیشی كرده‌وه‌ كه‌ هه‌ردوو كه‌سایه‌تی، كه‌سایه‌تی ناسراوو دیاری ناوچه‌كه‌ بوونه‌و كاریگه‌ریان هه‌بووه‌و كۆچكردنیان هه‌مووانی خه‌مبار كردووه‌.

‎لای خۆیانه‌وه‌ كه‌سوكارو خانه‌واده‌ی خوالێخۆشبوو سوپاسی كۆسره‌ت ڕه‌سولیان كرد.

PUKmedia   نوسینگه‌ی راگه‌یاندنی جێگری سكرتێری گشتی