کۆمپانیای بەشداری کیمیابارانی هەڵەبجە دادگایی دەکرێت

.

پێنجه‌م دادبینی دادگایی كردنی كۆمپانیاكانی به‌شدار له‌ چه‌كی كیمیاوی له‌ پارێزگای هه‌ڵه‌بجه‌ به‌رێوه‌چوو، به‌هۆی ئاماده‌نه‌بوونی پارێزه‌رانی كۆمپانیاكانه‌وه‌ دادگا دانیشتنه‌كه‌ی بۆ 26- 11 دواخست.

سه‌عید كاكه‌یی ئه‌ندامی تیمی پارێزه‌رانی كۆمپانیای ئێم ئێم لۆی ئه‌مریكی كه‌ كه‌یسه‌كانیان جولاندووه‌ به‌ PUKmedia ی رایانگه‌یاند : گرنگ بوو دانیشتنه‌كه‌  به‌رێوه‌چوو هه‌موو پێراگه‌یاندنه‌كان به‌ كۆمپانیاكان ته‌واو بووه‌ و هه‌مووان ئاگادار كرابوونه‌وه‌و تیمه‌كه‌مان پاڵپشت به‌ چه‌ندین به‌ لگه‌و دۆكیومێنت ئه‌وه‌مان سه‌لمان چون په‌یوه‌ندی له‌ نێوان حیزبی به‌عس و كۆمپانیاكان هه‌بووه‌.

وتیشی: ئه‌و كاته‌ی كیمیابارانی هه‌ڵه‌بجه‌ كراوه‌ عیراق ئه‌وه‌نده‌ پڕچه‌ك نه‌بووه‌و خاوه‌نی جۆره‌ چه‌كێكی وه‌هانه‌بووه‌ به‌ڵكو ئه‌وه‌ كومپانیاكان بوون ئه‌وه‌یان خولقاند كه‌ 5 هه‌زار كه‌س شه‌هید بوون.

 تیمی پارێزه‌رانی كومپانیاكان كه‌ به‌شداری دانیشتنه‌كه‌ نه‌بوون، دادوه‌ر دانیشتنه‌كه‌ی دواخست و  بۆ 26-11 و دانیشتنه‌كان به‌رده‌وام ده‌بن.

لای خوشیه‌وه‌ لوقمان عه‌بدالقادر سه‌رۆكی كۆمه‌ڵ‌ی قوربانیانی كیمیبارانی هه‌ڵه‌بجه‌ به‌ PUKmedia ی راگه‌یاند: خوشحاڵین ئه‌مڕۆش دادبینیه‌كه‌ به‌رێوه‌چوو و ده‌سته‌ی پارێزه‌رانیش به‌ گرنگیه‌وه‌ وه‌لامی پرسیاره‌كانی دادگایان داوه‌ته‌ و ده‌خوازین دانیشتنه‌كان به‌ رده‌وام بن


PUKmedia فەرحان حه‌مه‌خان ... هه‌ڵه‌بجه‌