ده‌ست به‌سه‌ر زیاتر له‌ 65 تۆن هێلكه‌دا ده‌گیرێت

.

به‌پێی راگه‌یه‌نراوێكی ئاسایشی سلێمانی به‌مه‌به‌ستی نه‌هێشتن و بنبڕكردنی هه‌موو جۆره‌ مه‌وادێكی قه‌ده‌غه‌كراو و ڕێگا پێنه‌دراو و پاراستنی ته‌ندروستی هاووڵاتیانی هه‌رێمی كوردستان و ڕێگریكردن له‌كاری نایاسایی و به‌پێی ڕێنماییه‌كان،  هێزه‌كانیان توانیان ڕۆژانی ( 17/8/2019 و 18/8/2019 ) له‌ مه‌رزی باشماخی سه‌ر به‌ پێنجوێن ده‌ستبگرن به‌سه‌ر بڕی (65) تۆن و (100 ) كیلۆ هێله‌كه‌دا كه‌ له‌ سێ ئۆتۆمۆبێلی جۆری ( كۆنتێنه‌ر)دا باركرابوون و هێنرابونه‌ ناو هه‌رێمی كوردستان.

ئاسایشی سلێمانی راشیگه‌یاندوه‌، به‌پێی بڕیار و ڕێنماییه‌كان هێنانی هێلكه‌ قه‌ده‌غه‌یه‌ و نابێت بهێنرێـته‌ ناو هه‌رێم و ڕێگا پێدراو نییه‌, ده‌ستبه‌سه‌ر  بارهه‌ڵگره‌كان و باره‌كانیانیدا گیرا بۆئه‌وه‌ی به‌پێی یاسا ڕه‌وانه‌ به‌ڕێوه‌به‌رایه‌تی پۆلیسی گومرگ بكرێن بۆ گرتنه‌به‌ری ڕێكاری یاسایی . 

PUKmedia راگه‌یاندنی ئاسایشی سلێمانی