زێدان ریاڵ مەدرید بەجێدەهێڵێت

.

زینەدین زیدانی فەڕەنسی و راهێنەری یانەی ریاڵ مەدرید، ئامادەیە جارێكی تر دەست لەئەركی راهێنەرایەتی یانەی شاهانە بكێشێتەوە، هۆكارەكەشی بۆ سیاسەت و پلانەكانی سەرۆكی یانەكە دەگەڕێتەوە لە بازاڕی هاوینەدا.

رۆژنامەی "ئیندیپێندێنت"ی بەریتانیی بڵاویكردۆتەوە: بەهۆی شكست پێهێنان لەگواستنەوەی پۆڵ پۆگبای فەڕەنسی، كێشە كەوتۆتە نێوان زیدان و پێرێزی سەرۆكەوە، راهێنەرە فەڕەنسیەكە پێی وایە، پێكهاتەكەی بۆ وەرزی نوێ ئامادەنیە و چەند جارێكیش داوای لە پێرێز كردووە، ئەو یاریزانە بگوازێتەوە ریزەكانیان، تا كێشەكانی پێكهاتەكە پێش وەرزی نوێ چارەسەر بكەن.

بەپێی زانیارییەكان، پێرێز ئامادەیە هەریەك لە گاریس بەیڵ و خەیمس رۆدریگێز بداتە  مان یونایتد، بۆ گواستنەوەی پۆگبا، بەڵام بەرپرسانی شەیتانە سورەكان پێیان وایە ئەو یاریزانانەی ریاڵ ناگاتە نرخی پۆگبا كە نرخەكەی 170 ملیۆن یۆرۆیە.

PUKmedia