دیاله‌ .. 70 خێزان ئاواره‌ ده‌بن

.

له‌سنوری رێگه‌ی ئیمام وه‌یس له‌نێوان به‌عقوبه‌ – خانه‌قین، دانیشتوانی گوندێك به‌هۆی مه‌ترسی و هه‌ڕه‌شه‌كانی داعش گونده‌كه‌یان چۆڵده‌كه‌ن.

ناهیده‌ داینی ئه‌ندامی ئه‌نجومه‌نی نوێنه‌رانی عیراق رایگه‌یاندوه‌:" دانیشتوانی گوندی میاحی  سنوری ئیمام وه‌یس به‌هۆی مه‌ترسی و هه‌ڕه‌شه‌كانی داعش گونده‌كانیان چۆڵده‌كه‌ن".

وتیشی:" 70 خێزان ناوچه‌كه‌یان چۆڵكردوه‌و له‌ئێستادا له‌لایه‌ن هێزه‌ ئه‌منیه‌كانه‌وه‌ رێگریان لێئه‌كرێت له‌چۆڵكردنی گونده‌كانیان".

باسی له‌وه‌شكردوه‌:" ئه‌و گونده‌ ده‌كه‌وێته‌ سه‌ر رێگه‌ی ئیمام وه‌یس، له‌نێوان خانه‌قین – به‌عقوبه‌، كه‌ گرنگترین رێگه‌ی سنوری پارێزگای دیاله‌و چه‌ند ناوچه‌یه‌ك به‌یه‌كه‌وه‌ ده‌به‌ستێته‌وه‌".

جه‌ختیله‌وه‌شكردوه‌ته‌وه‌:" له‌ماوه‌ی رابردوودا داعش به‌هاوه‌ن و قه‌ناس په‌لاماری داون و دوو كه‌سی لێكوشتوون و ژماره‌یه‌كی تریشی برینداركردبوو".

رونیشكرده‌وه‌:" له‌دوای ئازادكردنی ئه‌و ناوچانه‌ حكومه‌ت نه‌یتوانیوه‌ له‌رووی ئه‌منی و خزمه‌تگوزاری ئه‌و ناوچانه‌ به‌باشی بپارێزێت، بۆیه‌ داعش ده‌ستی به‌جموجوڵكردوه‌".

PUKmedia  ئاژانسه‌كان