ئەمڕۆ 12-8-2019، لە رۆژی جیهانیی گەنجاندا، قوباد تاڵەبانی جێگری سەرۆك وەزیرانی هەرێمی كوردستان پەیامێك ئاڕاستەی ئەو توێژە دەكات و رایدەگەیەنێت: گەنجان دەتوانن كوردستانێكی باشتر بونیادبنێن.

لە پەیامێكی ڤیدیۆییدا، قوباد تاڵەبانی رایگەیاندووە: لە رۆژی جیهانیی گەنجاندا، بە گەنجانی وڵاتەكەم دەڵێم ئێوە هێزی راستەقینەی وڵاتەكەمانن و ئێوە دەتوانن كوردستانێكی باشتر بۆ هەمووان بونیادبنێن.

لە درێژەی پەیامەكەیدا، قوباد تاڵەبانی وێڕای پیرۆزبایی لەو توێژەی كۆمەڵگە، بە گەنجانی كوردستان رادەگەیەنێت: خەونەكانتان با گەورەبێت، تێبكۆشن بۆ ئەوەی كوردستان بە خواستی ئێوە گەشە بكات و بچێتە پێش.

قوباد تاڵەبانی جەخت لەوەش دەكاتەوە كە لەم بۆنەیەدا بیرهێنەرەوەی ئەو ئەركەیە كە پاڵپشتیی توێژی گەنجان بكرێت تا ئەوكاتەی دەبنە سەركردەی سبەی، یارمەتی بدرێن بۆ ئەوەی ئایندەمان باشتر و دادگەرتر بكەن.

ئاماژەی بەوەشكردووە، ڕۆڵی گەنجان لە بونیادنانی نیشتمان ڕۆڵێكی بنەڕەتی و گرنگە و هەمیشە ئەوان جێگای شانازین و پێویستە یارمەتی گەنجان بدرێت تا ئەو كوردستانەمان بۆ بنیادبنێن كە خەونی پێوە دەبینن.

PUKmedia

لینكی یارمه‌تیده‌ر بۆبینینی ڤیدیۆكه‌: