سەرۆک کۆمار خەڵاتی خوێندکارە یەکەمەکانی قۆناغی ئامادەیی دەكات
کوردستان 11:49 PM - 2019-08-10.
سەرۆک کۆمار د. بەرھەم ساڵح ئێوارەی ئەمڕۆ شەممە ٢٠١٩/٨/١٠ لە ھەواری شار لە سلێمانی خەڵاتی خوێندکارە یەکەمەکانی قۆناغی ئامادەیی سلێمانی و ھەڵەبجەو گەرمیان و راپەرینی کرد.
لەمیانی ئاھەنگێکدا کە سەرۆکایەتی کۆمار بۆ خەڵاتکردنی خوێندکارە سەرکەوتووەکانی قۆناغی ئامادەیی ئەنجامی دابوو، سەرۆک بەرھەم وتەیەکی پێشکەش بە خوێندکارە سەرکەوتووەکان کرد و تێیدا ڕایگەیاند، کە زۆر خۆشحاڵم بەدیدەنیتان شاد دەبم، تا لە نزیکەوە بەشداری خۆشی و شادی ئەم سەرکەوتنە گەورەیەتان بم، بەم بۆنەیەشەوە پیرۆزبایی لە خۆتان و کەسوکارتان دەکەم.
ھەر لە میانی ئاھەنگەکەدا سەرۆک کۆمار وتی: ئەم سەرکەوتنەی ئێوە نەک تەنھا بۆ ئێوە و کەسوکارتان بەڵکو بۆ ئایندەی وڵاتەکەشمان گرنگە، چونکە چاوەرێی زۆرتان لێ دەکرێت تا جێ دەستان لە بوژاندنەوە و بونیادنانەوەی وڵاتدا دیار بێت.
سەرۆک بەرھەم ئەوەشی بە خوێندکاران وت سەرکەوتن لە دۆخێکی ناجۆر و سەختدا مایەی شانازی گەورەیە لە لایەک بۆ خۆتان و کەسوکارتان لە لایەکی تریش بۆ من وەک سەرۆک کۆمار.
ھەر لە درێژەی وتەکەیدا، سەرۆک بەرھەم ئاماژەی بەوەدا کە ھاووڵاتیانی کوردستان و عێراق شایشتەی ژیانێکی باشترن، بۆیە ئەرکی دەوڵەتە کە ژیانێکی شایشتە بۆ ھاووڵاتیانی دابین بکات.
سەبارەت بە پرۆسەی خوێندنیش سەرۆک کۆمار رایگەیاند کە پێویستە دەوڵەت گرنگی زیاتر بە باشکردنی پرۆگرامی خوێندن بدات و ھەوڵەکانی چر بکاتەوە لە پێناو دابینکردنی پێداویستی خوێندن و خوێنداکاران، چونکە ئایندەی ئەم وڵاتە ھەر لە سەردەستی ئێوە دێتە دی.
ھەروەھا سەرۆک کۆمار رایگەیاند کە ئەو دەستکەوتەی ئەمڕۆ ئێوە بەدەستانھێناوە زادەی شەونخونی و ماندوبوونی خۆتان و قوربانیدانی خانەوادە و دایک و باوکتانە کە لە پێناو سەرکەوتنی ئێوەدا زۆریان بەخشیوە، بۆیە کەسوکارتان و ئێمەش چاوەڕێی زۆرتان لێ دەکەین.
لە کۆتایشدا سەرۆک بەرھەم بە خوێندکارانی وت: ھیوای زۆرمان پێتانە کە لە قۆناغی داھاتووش سەرکەوتنی گەورەتر بە دەست بھێنن تا خزمەتی ئایندەی وڵاتەکەمان بکەن.
شایەنی باسە ھەر یەک لە ئارام مینا وەزیری خوێندنی باڵای حکومەتی ھەرێمی کوردستان و ژمارەیەک لە مامۆستایان و کەسوکاری خوێندکاران، ئامادەیی ئاھەنگی خەڵات دابەشکردنەکە بوون.
PUKmediaراگەیاندنی سەرۆك كۆماری عیراق
هەواڵی زیاتر
-
داهاتی هەفتەی رابردووی سلێمانی زیاتر لە چوار ملیار دینارە
01:31 PM - 2024-03-29 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
05:41 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
11:57 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27
ئەمانەش ببینە
کوردستان 10:23 AM - 2024-03-29 نێروەیی: روسیا وەک سەرۆک و سەرکردەیەکی کوردستانی و عیراق پێشوازی لە سەرۆک بافڵ دەکات
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
10:31 PM - 2024-03-28
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
08:34 PM - 2024-03-28
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
03:46 PM - 2024-03-28
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
12:56 PM - 2024-03-28
زۆرترین خوێنراو
-
داهاتی هەفتەی رابردووی سلێمانی زیاتر لە چوار ملیار دینارە
کوردستان 01:31 PM - 2024-03-29 -
نێروەیی: روسیا وەک سەرۆک و سەرکردەیەکی کوردستانی و عیراق پێشوازی لە سەرۆک بافڵ دەکات
کوردستان 10:23 AM - 2024-03-29 -
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
جیهان 10:31 PM - 2024-03-28 -
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
کوردستان 08:34 PM - 2024-03-28 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
کوردستان 05:41 PM - 2024-03-28 -
سێ (D) یەکەی مام
بیروڕا 04:57 PM - 2024-03-28 -
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
کوردستان 03:46 PM - 2024-03-28 -
پرسەنامەی قوباد تاڵەبانی بۆ خانەوادەی ئەحمەد خدر
پرسەنامە 03:03 PM - 2024-03-28