لافاوه‌كه‌ی چین زیانی گیانی لێده‌كه‌وێته‌وه‌

.

به‌هۆی ئه‌و شه‌پۆله‌ بارانبارینه‌ به‌خووره‌ی رووی له‌ وڵاتی چین كردوه‌ كه‌سێك گیانی له‌ده‌ستداو دوو كه‌سی دیكه‌ش تائێستا بێ سه‌روشوێنن.

به‌پێی زانیارییه‌كانی ته‌له‌فزیۆنی ره‌سمی ئه‌و وڵاته‌، لافاو زیانی گیانی و ماددی زۆری به‌هاووڵاتیان گه‌یاندوه‌و لایه‌نه‌ په‌یوه‌ندییداره‌كانیش له‌هه‌وڵی كه‌مكردنه‌وه‌ی زیانه‌كانن.

به‌هۆی ئه‌و شه‌پۆله‌ بارانبارینه‌ی رووی له‌وڵاتی چین كردوه‌، كه‌سێك گیانی له‌ده‌ستداو دوو كه‌سی دیكه‌ش تائێستا بێسه‌روشوێنن له‌گه‌ڵ ئه‌وه‌شدا 13 هاووڵاتی برینداربوون.

ته‌له‌فزیۆنی ره‌سمی چین ئه‌وه‌شی خستوه‌ته‌ڕوو: به‌وهۆیه‌وه‌ 200 خانوو خاپووربوون و سێ هه‌زارو 200 خانووی دیكه‌ش زیانیان به‌ركه‌وتووه‌.
حكومه‌تی چین-یش هۆشداریی داوه‌ته‌ هاووڵاتیان و داوایان لێده‌كات له‌ماڵه‌كانیان بمێنه‌وه‌و له‌هه‌ر حاڵه‌تێكی نه‌خوازراودا په‌یوه‌ندی بكه‌ن به‌تیمه‌كانه‌وه‌ تا به‌هانایانه‌وه‌ بچن.

PUKmedia سكاي نيوز