لەجەژندا خواست لەسەر پەلەوەری خۆماڵی زیاد دەکات

.

لە بۆنەو جەژنەکاندا خواست لەسەر گۆشتی خۆماڵی بەتایبەت گۆشتی پەلەوەر زیاد دەکات و هاوڵاتیان بێ گوێ دانە زۆری نرخەکەی دەیکڕن.

هاوڵاتیان ئەوە رادەگەیەنن کە هۆکاری کڕینی و زۆری خواست لەسەر پەلەوەری خۆماڵی ئەوەیە کە بە سروشتی و بێ دەرمانی کیمیاوی گەورە دەبێت و ئەوەش وادەکات تامی خۆشتر بێت و زیانی تەندروستیشی نییە.

لەگەڵ ئەوەی نرخی پەلەوەری خۆماڵی لە بازاڕدا بەرزەو دوو هێندەی نرخی پەلەوەری مەسڵەحە و هاوردەکراوە بەڵام لە بۆنەکاندا هاوڵاتیان بێ گوێدانە زۆری نرخەکەی دەیکڕن .

وەک هەمیشەش هاوڵاتیان لە شاری سلێمانی بۆ دەستکەوتنی پەلەوەری خۆماڵی روو لە ژێر پردەکە دەکەن.

PUKmedia گەلی کوردستان