دزی ویلی ئۆتۆمبێله‌كان ده‌ستگیركرا

.

تۆمه‌تبارێك ده‌ستگیركرا كه‌ 150 ویلی‌ ئۆتۆمبێلی‌ دزی بوو

مه‌فره‌زه‌كانی‌ به‌شی‌ نه‌هێشتنی‌ تاوانی‌ سلێمانی‌ تۆمه‌تبارێكیان ده‌ستگیركرد كه‌ (100-150) ویلی‌ ئۆتۆمبێلی‌ دزیبوو.

ئه‌مڕۆ 2019/8/9، هاووڵاتییه‌ك له‌به‌شی‌ پۆلیسی‌ نه‌هێشتنی‌ تاوان سكاڵای‌ تۆماركرد كه‌ له‌كۆگاكه‌یدا ژماره‌یه‌كی‌ زۆر ویلی‌ تایه‌ی‌ ئۆتۆمبێلی‌ لێدزراوه‌.

پاش ده‌ستپێكردنی‌ لێكۆڵینه‌وه‌كان‌و كۆكردنه‌وه‌ی‌ زانیاری‌ ورد، تونرا هه‌ر ئه‌مڕۆ هه‌ینی تۆمه‌تباره‌كه‌ له‌قه‌زای‌ چه‌مچه‌ماڵ له‌كاتی‌ فرۆشتنی‌ ویله‌كاندا له‌لایه‌ن مه‌فره‌زه‌كانی‌ به‌شی‌ پۆلیسی‌ نه‌هێشتنی‌ تاوان به‌هاوكاریی ئاسایشی‌ چه‌مچه‌ماڵ ده‌ستگیربكرێت كه‌ به‌نیاز بووه‌ هه‌ر ویلێك به‌ 150 دۆلار بفرۆشێت.
تۆمه‌تباره‌كه‌ ناوی‌ (هـ، ح، م)و له‌دایكبووی‌ ساڵی‌ 1979و له‌ئێستادا به‌بڕیاری‌ دادوه‌ر ڕاگیراوه‌و لێكۆڵینه‌وه‌كان له‌گه‌ڵیدا به‌رده‌وامه‌.

PUKmedia به‌ڕێوه‌به‌رایه‌تی‌ پۆلیسی‌ پارێزگای‌ سلێمانی‌