كۆتایی به‌یه‌كه‌م كۆنفڕانسی بۆردی گه‌نجانی یه‌كێتی هات

.

كۆتایی به‌كاره‌كانی یه‌كه‌م كۆنفڕانسی بۆردی گه‌نجانی یه‌كێتیی نیشتمانیی كوردستان هات و له‌دوای كۆنفرانسیش په‌یامێكیان بڵاوكرده‌وه‌.

په‌یامنامه‌ی كۆتایی یه‌كه‌م كۆنفڕانسی بۆردی گه‌نجانی یه‌كێتیی نیشتمانیی كوردستان.

 8ی 8 ی 2019، به‌چاودێری" قوباد تاڵه‌بانی " بۆردی گه‌نجانی یه‌كێتیی نیشتمانی كوردستان، یه‌كه‌م كۆنفڕانسی دامه‌زراوه‌یی خۆی به‌" نوێگه‌ری له‌كاردا، كردار له‌خزمه‌تكردندا " له‌چوار میتینگدا به‌ به‌شداری 182 ئه‌ندام، سه‌ركه‌وتووانه‌ ئه‌نجامدا.

كۆنفڕانس، له‌ماوه‌ی 9 سه‌عات كاركردنی به‌رده‌وامدا، فه‌زای گه‌نجێتی له‌زیهنیه‌ته‌ كۆمه‌ڵایه‌تی و كارگێڕی و سیاسیه‌كه‌ی هه‌رێمی كوردستاندا خسته‌ ژێر پرسیارو درده‌شه‌كاری ورده‌وه‌، له‌پێناو به‌ماناكردنه‌وه‌ی ئه‌م ڕه‌وشه‌ پڕ له‌غه‌وشه‌دا، سه‌رئه‌نجام ئه‌نجامدانی دیدارو میتینگ و دیالۆگی زانستیانه‌ی له‌سه‌ر پرسه‌كانی گه‌نج ڕاگه‌یاند، هاوكات وێڕای چه‌سپاندنی ڕێنامه‌ی كار ، یه‌كه‌ی سه‌ره‌كی به‌ڕێوه‌بردنی بۆردی له‌پرۆسه‌یه‌كدا یاسایی و دیمۆكراسی هه‌ڵبژارد.

كۆنفڕانس، فه‌رهه‌نگی ته‌مبه‌ڵ و مشه‌خۆر ڕه‌تده‌كاته‌وه‌و بۆرد وه‌ك هانده‌رو پشتیوانی پڕۆژه‌و ده‌رخستنی توانسته‌ شاراوه‌كانی گه‌نجان و پێشخستنیان له‌بواره‌ جیاكاندا، هه‌روه‌ها وه‌ك چاودێر به‌سه‌ر حكومه‌ت و حكومه‌تی خۆجێی ڕاپه‌ڕین"ـه‌وه‌، ئه‌ركدار كردو، ئه‌نجامدانی كۆنفڕانسی ساڵانه‌ی تایبه‌ت به‌"په‌ره‌پێدانی ئیداره‌ی سه‌ربه‌خۆی ڕاپه‌ڕین " ڕاگه‌یاند. له‌گه‌ڵیدا به‌رپاكردنی هه‌ڵمه‌تی هۆشیاری گه‌ڕۆك و به‌رده‌وامی تایبه‌ت به‌ڕوبه‌ڕوبوونه‌وه‌ی توندوتیژی جێنده‌ری و به‌كارهێنانی مادده‌ هۆشبه‌ره‌كان، كرده‌ سه‌رمه‌شق له‌چالاكییه‌كانید.

كۆنفڕانس، پێشوازی له‌ئه‌نجامدانی كۆنگره‌ی 4ی "ی.ن.ك" ده‌كاو، له‌گه‌ڵ ئه‌ودایه‌ كۆنگره‌ بۆ یه‌كێتی و له‌پێناو یه‌كێتییدا بكرێت، نه‌ك به‌یه‌كێتی و له‌پێناو لاڕێكاری یه‌كێتیی له‌ئایدیاكانی سه‌رۆك" مام جه‌لال " دا بكرێت، كۆنفڕانس هه‌ر رێگه‌یه‌ك له‌یه‌كێتیدا نه‌چێته‌وه‌ ده‌باشان به‌لاڕێ‌ ئه‌ژمار ده‌كات.
یه‌كه‌م كۆنفڕانسی بۆردی گه‌نجانی"ی.ن.ك" له‌ڕاپه‌ڕین، سوپاس و پێزانین ئاڕاسته‌ی هه‌ڤاڵ"وه‌ستا ڕه‌سوڵ/ ئه‌ندامی سه‌ركردایه‌تی و هه‌ڤاڵه‌كانی له‌مه‌ڵبه‌ندی 24ی ڕاپه‌ڕین، ناوه‌ندی ڕێكخراوه‌ دیموكڕاتیه‌كانی ڕاپه‌ڕین، ناوه‌ندی ئیداره‌كانی ڕۆژئاوای هێزه‌كانی 70، هێزه‌كانی ئاسایش و پۆلیس، ده‌زگای میدیای كوردسات، كه‌ناڵی گه‌لی كوردستان، ته‌واوی دۆستانی بۆردو ئه‌ندامانی كۆنفڕانس ده‌كات، ڕێز له‌پشتیوانی و هامه‌هه‌نگی و به‌ده‌نگه‌وه‌ هاتنیان ده‌گرێت.

درود بۆ هه‌ڤاڵ مام جه‌لال، ڕێ‌ و ڕێبازت ڕۆشن.
درود بۆ شه‌هیده‌ شكۆمه‌نده‌كانمان، سڵاو له‌خانه‌واده‌ سه‌ر بڵنده‌كانیان.
به‌ره‌و نوێگه‌ری، به‌ره‌و ڕۆشنایی.

یه‌كه‌م كۆنفڕانسی
بۆردی گه‌نجانی یه‌كێتیی نیشتمانیی كوردستان
  9ی ئابی 2019  - رانیه‌

PUKmedia تایبه‌ت