زیاتر له‌ملیۆنێك و 100 هه‌زار حاجی ده‌چنه‌ كێوی عه‌ره‌فه‌

.

بڕیاره‌ سبه‌ینێ شه‌ممه‌ 10-8-2019 زیاتر له‌ملیۆنێك و 100 هه‌زار حاجی بچنه‌ كێوی عه‌ره‌فه‌، بۆ به‌جێهێنانی گرنگترین فه‌ریزه‌ی حه‌ج.

له‌و باره‌یه‌وه‌ فه‌ریق روكنی یه‌كه‌م خالید بن قرار الحربی به‌ڕێوه‌به‌ری گشتی ئاسایشی سعودیه‌ راگه‌یاند: بڕیاره‌ له‌چه‌ند سه‌عاتی داهاتوودا زیاتر له‌ملیۆنێك و 100 هه‌زار حاجی بچنه‌ كێوی عه‌ره‌فه‌، بۆ به‌جێهێنانی گرنگترین فه‌ریزه‌ی حه‌ج.

وتیشی: ئاسایشی حاجیان پارێزراوه‌و هه‌موو هه‌وڵێك ده‌ده‌ین كه‌ حاجیان نه‌كه‌ونه‌ زه‌حمه‌ته‌وه‌و شوێنی حه‌وانه‌وه‌یان بۆ ته‌رخانكراوه‌.

ئه‌مه‌ش له‌كاتێكدایه‌، زیاتر له‌ حه‌وت هه‌زار حاجی هه‌رێمی كوردستان له‌ وڵاتی سعودیه‌ن بۆ به‌جێهێنانی فه‌ریزه‌ی حه‌ج و ئه‌مڕۆش هه‌ینی وتاری رۆژی هه‌ینی به‌ زمانی كوردی له‌ مه‌كه‌ خوێندرایه‌وه‌.

PUKmedia سكای نیوز