riklam

كچێكی ئه‌ڵمانى به‌ڕووی سه‌رۆك وه‌زیرانی ئیتاڵیا ده‌وه‌ستێته‌وه‌

جیهان 02:10 PM - 2019-08-09
.

.

له‌دژی بڕیاره‌كه‌ی " ماتیۆ سالڤینی" سه‌رۆك وه‌زیرانی ئیتاڵیا كه‌ فه‌رمانی داوه‌ ئه‌و كه‌س و تیمانه‌ سزابدات كه‌ له‌ناو ده‌ریا كۆچبه‌رانی نایاسایی ڕزگارده‌كه‌ن،  كارۆلا ڕاكیته‌" كچه‌ قوبتانی ئه‌ڵمانی كه‌ له‌گه‌ڵ تیمێكی فریاگوزاری ئه‌ڵمانی به‌ به‌له‌مێك خه‌ڵك ڕزگار ده‌كات و ماوه‌ی پیشوو له‌ئیتاڵیا ده‌ستگیركرابوو، ئێستا دوای ئازادكردنی سه‌رله‌نوێ ئاماده‌یی خۆی ده‌ربڕی كه‌ له‌كاره‌ مرۆڤایه‌تییه‌كانی به‌رده‌وام بێ و گوێ به‌و بڕیاره‌ نه‌دات.

ئه‌و كچه‌ دوێنێ له‌دیمانه‌یه‌كی كه‌ناڵی ZDF نیگه‌رانی خۆی به‌ هه‌ڵوێستی حكومه‌تی ئه‌و وڵاته‌ به‌یان كرد كه‌ جگه‌ له‌وه‌ی به‌ به‌رچاوی ده‌سه‌ڵاتی ئه‌وانه‌وه‌ رۆژانه‌ خه‌ڵكی لێقه‌وماو له‌ناو ئه‌و ده‌ریایه‌ ده‌خنكێن، نه‌ك هه‌ر ناچن به‌لایانه‌وه‌ به‌ڵكوو سزای توندیان داناوه‌ بۆ ئه‌وانه‌ش كه‌ وه‌ك خێرخواز فریایان ده‌كه‌ون.

شایانی باسه‌، ڕاكیته‌ قوبتانی به‌له‌می Sea watch 3 ی خێرخوازی ئه‌ڵمانیه‌و له‌ماوه‌ی رابردودا ژماره‌یه‌كی زۆری كۆچبه‌ری له‌ناو ده‌ریای ناوه‌ڕاستی سنووری ئیتاڵیا ڕزگار كردووه‌ به‌ جۆرێك نازناوی بۆته‌ فریادڕه‌سی كۆچبه‌ران وناوبانگی زۆری په‌یداكردوه‌، له‌مانگی رابردودا له‌كاتی ڕزگاكردنی 40 كۆچبه‌ر له‌ناو ده‌ریاو گواستنه‌وه‌یان بۆ دورگه‌ی " لامبیدۆزا" ی ئیتاڵی له‌وێ پۆلیس ده‌ستی به‌سه‌ر به‌له‌مه‌كه‌یدا گرت وكچه‌شی زیندانی كرد، به‌ هه‌وڵیكی زۆری به‌رپرسانی ئه‌ڵمانی ووه‌زاره‌تی ده‌ره‌وه‌ تا سه‌ره‌نجام ئه‌و كچه‌ ئازاد كراو سزای ژماردنی 16600یۆرۆی به‌سره‌دا سه‌پێندرا، هێستا ئه‌و دۆسیه‌یه‌ له‌ دادگا كۆتایی پێ نه‌هاتوه‌و ئه‌گه‌ر هه‌وڵی داهاتوی له‌سه‌ر ساغ بێته‌وه‌ ئه‌وا له‌وانه‌یه‌ سزای زیندانی 10 ساڵی به‌سه‌ردا بسه‌پینن، به‌ڵام ئه‌و كچه‌ بۆ میدیا وتی له‌كاری خۆم به‌رده‌وام ده‌بم وگوێ به‌ سزای ئیتاڵیه‌كان ناده‌م، كاره‌كه‌م خێرخوازییه‌و ده‌مه‌وێ به‌و هه‌وڵانه‌م ئه‌و كۆت وپێواندانه‌ لاببه‌م و ئه‌و یاساكانی سه‌رۆكی حكومه‌تی ئیتاڵیا شه‌رمه‌زار بكه‌م.

PUKmedia  بورهان ئه‌مین- ئه‌ڵمان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket