په‌یامی هه‌ڤاڵ حاكم قادر به‌بۆنه‌ی هاتنه‌وه‌ی جه‌ژنی قوربانی پیرۆز

.

حاكم قادر حه‌مه‌جان، ئه‌ندامی ده‌سته‌ی كارگێڕی مه‌كته‌بی سیاسی یه‌كێتیی نیشتمانی كوردستان به‌بۆنه‌ی هاتنه‌وه‌ی جه‌ژنی پیرۆزی قوربانه‌وه‌ په‌یامێكی پیرۆزبایی ئاڕاسته‌ی خه‌ڵكی كوردستان كرد.

ده‌قی په‌یام : 

به‌بۆنه‌ی هاتنه‌وه‌ی جه‌ژنی قوربانی پیرۆزه‌وه‌ , زۆر به‌خته‌وه‌ر ده‌بم جوانترین پیرۆزبایی خۆم ومه‌ڵبه‌ندی ڕێكخستنی سلێمانی ئاڕاسته‌ی خه‌ڵكی قاره‌مان وتێكۆشه‌ری گه‌له‌كه‌مان به‌گشتی وشاری سلێمانی وده‌وروبه‌ری به‌تایبه‌ت بكه‌م , هه‌روه‌ك پیرۆزبایی ده‌گه‌یه‌نمه‌ بنه‌ماڵه‌و كه‌سوكاری سه‌ربه‌رز و ڕووسوری شه‌هیدانی هه‌رگیز له‌یادنه‌كراوی گه‌له‌كه‌مان وپیرۆزبایی ئه‌و جه‌ژنه‌ له‌پێشمه‌رگه‌و زیندانیانی سیاسی وكه‌مئه‌ندامانی سه‌نگه‌رو ته‌واوی فه‌رمانبه‌ران وكارمه‌ندانی ده‌وڵه‌ت , پۆلیس وپۆلیسی هاتوچۆو ئاسایش وكارمه‌ندانی ته‌ندروستی وئاووكاره‌باو پیاوانی ئاگركوژێنه‌وه‌و هه‌موو ئه‌و كارمه‌ندانه‌ی كه‌له‌ڕۆژانی جه‌ژندا بۆپارێزگاری له‌گیان وماڵی هاوولاَتیان وكه‌مكردنه‌وه‌ی ڕووداوه‌ چاوه‌ڕوانكراوه‌كان ئێشكگرن وئه‌ندامانی ڕێكخراووكۆمه‌ڵه‌و سه‌ندیكاكانی كۆمه‌ڵگای مه‌ده‌نی  و له‌ ژنان وگه‌نجانی گه‌نجینه‌ی دواڕۆژی میله‌ته‌كامان جه‌ژنی قوربان پیرۆزده‌كه‌م . 

به‌و ئومێده‌ی ئه‌م جه‌ژنه‌ ببێته‌ مایه‌ی خێرو خۆشی وفه‌راهه‌مكردنی ئارامی وسه‌قامگیری زیاتر بۆگه‌لی كوردستان به‌گشتی وهانده‌ربێت بۆ ڕێكخستنه‌وه‌ی نێوماڵی گه‌وره‌ی گه‌لی كوردو هێنانه‌دی ئاوات وئامانجه‌كانی گه‌له‌كه‌مان , هیواخوازم له‌پێناو به‌رزكردنه‌وه‌ی ئاستی بژێوی كۆمه‌لاَنی خه‌ڵك وچاكتركردنی گوزه‌رانی هاوولاَتی به‌گشتی باشترله‌ئێستا , كه‌له‌گه‌ڵ  ژیان و خۆشگوزه‌رانی وپێشكه‌وتووی سه‌رده‌مدا گونجاوبێت , جه‌ژنێكی پڕله‌كامه‌رانی وئاسوده‌یی وبه‌خته‌وه‌ری به‌ڕێ بكه‌ین .

 جه‌ژنتان پیرۆزو هه‌موو ڕۆژێكتان جه‌ژن وكامه‌رانی بێت ..

شادو سه‌ربه‌رزو سه‌ركه‌وتووبن .

  حاكم قادرحه‌مه‌جان

  ئه‌ندامی ده‌سته‌ی كارگێڕی مه‌كته‌بی سیاسی و

   لێپرسراوی مه‌ڵبه‌ندی ڕێكخستنی سلێمانی

   یه‌كێتی نیشتمانی كوردستان

   جه‌ژنی قوربانی 2019

PUKmedia تایبه‌ت