له‌ جه‌ژندا ماتۆڕسكیل قه‌ده‌غه‌ ده‌كرێت

.

قایمقامیه‌تی قه‌زای خانه‌قین بڕیارده‌دات له‌ ڕۆژانی جه‌ژنی قورباندا، هاتووچۆكردن به‌ ماتۆڕسكیل قه‌ده‌غه‌ بكات.

ئه‌مڕۆ 8-8-2019، یوسف ئیبراهیم، به‌ڕێوه‌به‌ری ڕاگه‌یاندنی قایمقامیه‌تی قه‌زای خانه‌قین له‌ لێدوانێكی ڕۆژنامه‌نووسیدا ڕایگه‌یاند: قائیمقامی خانه‌قین و سه‌رۆكی لیژنه‌ی ئه‌منی قه‌زاكه‌، كۆبوونه‌وه‌یه‌كی ئه‌منییان ئه‌نجامداوه‌و له‌ كۆبوونه‌وه‌كه‌دا، به‌ڕێوه‌به‌ری پۆلیس و هه‌موو به‌ڕێوه‌به‌ره‌كانی ده‌زگا ئه‌منییه‌كان و فه‌رمانگه‌ خزمه‌تگوزارییه‌ په‌یوه‌نیداره‌كان ئاماده‌بوون.

به‌ وته‌ی یوسف ئیبراهیم مه‌به‌ست له‌ كۆبوونه‌وه‌كه‌، دانانی پلانی ئه‌منی تایبه‌ت به‌ جه‌ژنی قوربانی پیرۆز بووه‌.

به‌ڕێوه‌به‌ری ڕاگه‌یاندنی قه‌زای خانه‌قین ئاشكراشیكرد كۆبوونه‌وه‌كه‌دا بڕیاردراوه‌، هاتووچۆكردن به‌ ماتۆڕسكیل له‌ جه‌ژنی قوربانی پیرۆزدا قه‌ده‌غه‌ بكرێت و هێڵێكی گه‌رم بۆ ئاگاداركردنه‌وه‌ له‌ حاڵه‌ته‌ گومانلێكراوه‌كان ته‌رخان بكرێت.

PUKmedia