گه‌رمیان.. پلانی رۆژانی جه‌ژن داده‌نرێت

.

ئه‌ندازیار یونس ئه‌حمه‌د سه‌رپه‌رشتیاری ئیداره‌ی گه‌رمیان به‌وه‌كاله‌ت هه‌ریه‌كه‌ له‌ قائیمقامیه‌ته‌كانی كه‌لار و كفری و به‌ڕێوه‌به‌رایه‌تی ناحیه‌كانی مه‌یدان و قۆره‌تووی سنوری ئیداره‌ی گه‌رمیانی ڕاسپارد پلانی ئه‌منی ڕۆژانی جه‌ژنی قوربانی پیرۆز دابڕێژن.

 سه‌رپه‌رشتیاری ئیداره‌ی گه‌رمیان جه‌ختیكرده‌وه‌, پێویسته‌ هێزه‌ ئه‌منیه‌كانی پۆلیس و ئاسایش له‌پێناو  پاراستنی ئه‌منیه‌تی سنوره‌كه‌ و ڕێگری كردن له‌هه‌رحاڵه‌تیكی نه‌خوازراو  وه‌ك هه‌میشه‌ چاوكراوه‌بن و له‌ڕۆژانی پشووی جه‌ژندا به‌باشی ئه‌ركه‌كانی خۆیان جێ به‌جێبكه‌ن.

یونس ئه‌حمه‌د سوپاسی هێزه‌كانی پێشمه‌رگه‌و  ئاسایشی ناوخۆو  پۆلیس كرد كه‌به‌رده‌وام ئه‌رك ده‌بینن و شه‌ونخونی ده‌كێشن بۆ پاراستنی سه‌روماڵی هاووڵاتیان هه‌روه‌ك سه‌روه‌رییه‌كانی ئه‌وانی به‌ده‌ستكه‌وتێكی هه‌ره‌گرنگ ناوهێناو ئومێدی سه‌ركه‌وتنیشی بۆخواستن.

PUKmedia  راگه‌یاندنی ئیداره‌ی گه‌رمیان