سێ ژنه‌ تیرۆرستی داعش ده‌ستگیركران

.

له‌ ولایه‌تی كلیسی توركیا سێ ژنه‌ تیرۆرستی داعش  ده‌ستگیرده‌كرێن و له‌لایه‌ن پۆلیسی نێوده‌وڵه‌تی ئینته‌پوله‌وه‌ لێكۆڵینه‌وه‌یان له‌گه‌ڵدا ده‌كرێت.

ئاژانسه‌كانی هه‌واڵ ئاشكرایانكردوه‌:" سێ ژنه‌ تیرۆرستی داعش كه‌پێشتر له‌عیراق و سوریا له‌ریزه‌كانی داعش بوون له‌گه‌ڵ نۆ منداڵدا له‌ولایه‌تی كلیس ده‌ستگیركراون".

رونیشكراوه‌ته‌وه‌:" هه‌رسێكیان ناسنامه‌یان ئاشكرابووه‌و هاووڵاتی فه‌ره‌نسین، یه‌كێكیان كه‌ته‌مه‌نی 61 ساڵانه‌ پێشتر له‌عیراق له‌گه‌ڵ ژماره‌یه‌ك له‌سه‌ركرده‌كانی داعش بووه‌و له‌چه‌ند كرده‌وه‌یه‌كی داعشدا به‌شداربووه‌".

ئاماژه‌ به‌وه‌دراوه‌:" یه‌كێك له‌و تیرۆرسته‌ له‌گه‌ڵ ئه‌و تیرۆرستانه‌ی داعش كه‌   پیلان داڕێژه‌رو ئه‌نجامده‌ری یانه‌ی شه‌وانه‌ی  باتكلانی فه‌ره‌نسا  زۆرنزیك بووه‌، كه‌له‌ 15ی نۆڤه‌مبه‌ری 2015 له‌و كرده‌وه‌یه‌دا 120 كه‌س كوژران".

ئه‌وه‌ش ئاشكرابوه‌:" ئه‌و تیرۆرسته‌  هاوسه‌ری كوین كنتی هاووڵاتی فه‌ره‌نسی بووه‌ كه‌ئه‌مساڵ له‌لایه‌ن دادگای تاوانه‌كانی عیراقه‌وه‌ فه‌رمانی له‌سێداره‌دانی بۆ ده‌كراوه‌و له‌سێداره‌ دراوه‌".

PUKmedia  ئاژانسه‌كان