PUKmedia چیرۆكی بینا سووتاوه‌كه‌ی سیروان بڵاوده‌كاته‌وه‌

PUKmedia چیرۆكی بینا سووتاوه‌كه‌ی سیروان بڵاوده‌كاته‌وه‌


7/8/2019 10:23:00
چاپ کردن
بە وێنەوە    بە بێ وێنە
           
.

به‌هۆی شه‌ڕی عیراق – ئێرانه‌وه‌ و له‌ڕۆژی 6-8-1986 دانیشتوانی ژماره‌یه‌ك له‌ گونده‌كانی سنووری ناحیه‌ی سیروان و ناوچه‌ی هه‌ورامان، بینای قوتابخانه‌یه‌ك له‌ ناحیه‌ی سیروان ده‌كه‌نه‌په‌ناگه‌ بۆ  پاراستنی خۆیان له‌ پریشكی  ئه‌و جه‌نگه‌ی كه‌ له‌ ناوچه‌كه‌دا ده‌گوزه‌را، به‌ڵام 200 هاووڵاتی تێدا شه‌هید بوون و ده‌یانی دیكه‌شی تێدا بریندار بوون .

شایه‌تحاڵه‌كان رووداوه‌كه‌ بۆ PUKmedia  ده‌گێڕنه‌وه‌

ئه‌نوه‌ر عارف كه‌ ئه‌وكاته‌ سه‌رباز بووه‌ له‌ گوندی سه‌رانشی سه‌ر به‌قه‌زای زاخۆ له‌ لیدوانێكدا به‌ PUKmedia ی راگه‌یاند: له‌كاتی گوێبیستی رادیۆی به‌غدادا هه‌واڵیك بڵاوبوویه‌وه‌ له‌سه‌ر قه‌سفكردنی بینا سووتاوه‌كه‌ كه‌ تێیدا وتی 100 كه‌س گیانیان له‌ده‌ستداوه‌ له‌مناڵ و ژن، منیش به‌ گریانه‌وه‌ وتم كه‌س و كاره‌كه‌م له‌و بینایه‌دا، ئیجازه‌یان پێدام و گه‌رامه‌وه‌ كه‌ نزیكی بیناكه‌ بوومه‌وه‌ دوای دوو ڕۆژ بۆنی قژ و خوێن و مرۆڤ ده‌هات كه‌ چوومه‌وه‌ ماڵه‌وه‌ دایكم پێی ووتم 40 كه‌س له‌ بنه‌ماله‌كه‌مان شه‌هید بوون.

حه‌سیبه‌ ره‌حیم كه‌ له‌ناو بیناكه‌دا بووه‌ سه‌رقالی نان كردن بووه‌ له‌ لیدوانێكدا به‌ PUKmedia ی راگه‌یاند: چوار مناڵی هه‌بوون كه‌ ته‌نها یه‌كێكیان له‌ماڵه‌وه‌ بووه‌، باوكم پێی وتم  په‌ره‌مێزه‌كه‌ لابه‌ تۆپ ئه‌ته‌قێت، ئیتر هه‌ویره‌كه‌م داپۆشی و په‌ره‌مێزم كوژاندووه‌ كه‌ هاتمه‌ ده‌ره‌وه‌  سه‌یرده‌كه‌م خه‌ڵك هه‌مووی راده‌كات ئیتر چوومه‌ ژوورێكه‌وه‌ كه‌ پڕ بوو له‌ ژن و مناڵ له‌ناكاوێكدا  ده‌نگێكی به‌رز هات و یه‌ك پارچه‌ بیناكه‌ بوو به‌ دوكه‌ڵ ئیتر كه‌ هاتمه‌ ده‌ره‌وه‌  هه‌ر جه‌نازه‌ بوو كه‌وتبوو و ئاگر له‌ بیناكه‌ به‌ر بوو  به‌شێكمان سووتاین، دواتر ئاگركوژێنه‌وه‌ و ئه‌مبوڵانس هاتن له‌ هه‌ڵه‌بجه‌وه‌ برینداره‌كانیان گواسته‌وه‌.

شه‌هیده‌كان بكرێنه‌ شه‌هیدی جینۆساید

 سه‌رجه‌م شه‌هیده‌كانی بیناسووتاوه‌كه‌ی سیروان به‌ شه‌هیدی هاووڵاتی تۆماركراون، به‌ڵام كه‌س و كاری شه‌هیده‌كان داواكاربوون بكرێنه‌ شه‌هیدی جینۆساید.

كامه‌ران مسته‌فا به‌رێوه‌به‌ری گشتی شه‌هیدان و ئه‌نفالكراوه‌كانی هه‌ڵه‌بجه‌ له‌ لێدوانێكدا به‌ PUKmediaی راگه‌یاند: ئێمه‌ به‌ پێی یاسا سه‌رجه‌م شه‌هیده‌كانمان تۆمار كردووه‌، جگه‌ له‌وانه‌ی كێشه‌ی یاساییان هه‌یه‌ و وارسی یاسایان نیه‌، تۆماركردنی شه‌هیدی جینۆساید ڕێنمایی پێویست به‌ خۆی هه‌یه‌ و له‌توانای ئه‌واندا نیه‌ .

مۆنۆمێنتێك بۆ بینا سووتاوه‌كه‌ دروست كراوه‌

هێمن حه‌مه‌ حسین به‌رێوه‌به‌ری ناحیه‌ی سیروان له‌ لێدوانێكدا به‌ PUKmediaی راگه‌یاند: له‌سه‌رده‌می مه‌حمودی حاجی ساڵح  بیناكه‌له‌ قوناغی یه‌كه‌مدا سیاجی بۆ دروستكراوه‌ و وێنه‌ی شه‌هیده‌كانی تێدا دانراوه‌ و خراوه‌ته‌ سه‌ر مونۆمێنتی هه‌ڵه‌بجه‌، ئێمه‌ له‌هه‌وڵداین بۆ ئه‌وه‌ی زیاتر ئاوه‌دانی بكه‌ینه‌وه‌ و ستافی تایبه‌ت به‌ خۆی بۆ دابنێین .

رووداوه‌كه‌  یاداشت كراوه‌ له‌ كتێبێكدا

فریاد هه‌ورامی یه‌كێك له‌ كه‌س و كاری  شه‌هیده‌كان كتێبیكی تایبه‌تی ئاماده‌كردووه‌ تێیدا له‌سه‌ر زای شایه‌تحاڵه‌كانه‌وه‌ رووداوه‌كه‌ی تۆماركردووه‌ .
فریاد هه‌ورامی له‌ لێدوانێكدا به‌ PUKmedia ی راگه‌یاند: كتێبه‌كه‌ی سه‌رجه‌م چیرۆكه‌كانی تایبه‌ت به‌ رووداوه‌كه‌ی تێدایه‌ و ئامانج لێی زیندوو هێشتنه‌وه‌ی به‌ڵگه‌ و دۆكیومێنته‌كانی تایبه‌ت به‌ رووداوه‌كه‌یه‌ .

وتیشی: چیرۆكه‌كان گه‌لێك جار له‌نووسینیان خستووم یه‌كێك له‌و چیرۆكانه‌ گیان له‌ده‌ستدانی ئافره‌تێكه‌ كه‌ حه‌ملی هه‌بووه‌ و مناڵه‌كه‌شی له‌ناو سكیدا سوتاوه‌، له‌كاتی ئه‌سپه‌رده‌كردنی به‌خاكدا مناله‌كه‌یان ده‌ر هێناوه‌ و له‌ باوشیدا ناشتوویانه‌ .

خه‌ڵات به‌خشرایه‌ ئه‌و كه‌سانه‌ی ئه‌رشیفی بیناكه‌یان كۆ كردوه‌ته‌وه‌

به‌رێوبه‌رایه‌تی گشتی شه‌هیدان و ئه‌نفالكراوه‌كان بۆ رێز گرتن له‌ماندوو بوونی ژماره‌یه‌ك كه‌سایه‌تی كه‌ سه‌رجه‌م ووێنه‌ی شه‌هیده‌كان و زانیاریه‌كانی تایبه‌ت به‌ بیناكه‌یان ئه‌رشیف كردووه‌ خه‌ڵاتی رێزلێنانی پێ به‌خشین  و هیوای خواست هاوكاری به‌رده‌وامی مۆنومێنته‌كه‌ بن .

ئاماری شه‌هیده‌كنی بیناسووتاوه‌كه‌

 

له‌ رووداوی بیناسووتاوه‌كه‌ی سیرواندا به‌ پێی ئاماره‌ نافه‌رمیه‌كان نزیكه‌ی 200 هاوڵاتی شه‌هید بوون و ده‌یان هاولاتی دیكه‌ش بریندار بوون، گۆری زۆربه‌یان له‌ گورستانی به‌شاره‌ت دایه‌  و به‌شێوه‌ی گروپی نێژراون.

PUKmedia فه‌رحان حه‌مه‌خان - هه‌ڵه‌بجه‌

وێنە هەواڵ
  • image04
  • داڤۆس.. كۆبوونەوەی سەرۆك كۆمار لەگەڵ ئەمینداری ناتۆ

  • image04
  • وەفدی باڵای یەكێتی و یەكگرتوو لەكۆبوونەوەدا

  • image04
  • رۆژنامەنووسانی PUKmedia یادی 17 ساڵەی دامەزراندنی سایتەكەیان كردەوە

  • image04
  • پێشمه‌رگه‌ی دێرین ئه‌حمه‌د زاگه‌ كۆچی دوایی كرد

  • image04
  • هەڵواسینی وێنەی هونەرمەندی خوالێخۆشبوو ( ئاسۆ عومەر سوارە) لەچایخانەی شەعب

  • image04
  • هه‌مواری په‌یڕه‌وی ناوخۆی یه‌كێتی به‌رده‌وامه‌

  • image04
  • كۆبوونەوەی ئەنجومەنی باڵای سیاسی و بەرژەوەندی یەكێتیی نیشتمانیی كوردستان

  • image04
  • یه‌كه‌مین كۆبوونه‌وه‌ی ئه‌نجومه‌نی گشتی سه‌ركردایه‌تی یه‌كێتی


                                           

دانیمارك... سەردانی باڵیۆزخانەی عیراق


ڕۆژی سێشەممە  ( ٢٠٢٠-١-٢١ ) وەفدێكی کۆمەڵە و ڕێکخراوە جۆراو جۆرەکانی دانیمارك بە نوێنەرایەتی ڕەوەندی عیراقی کە لە چوارچێوەی یەکێتیەکەدا کار دەکەن بە مەبەستی پیرۆزبایی و دەست بەکاربوو...


  دانیمارك..كۆنگرەی ئەنجومەنی ژنان بەڕێوەچوو
  كەنەدا.. سیمینارێك دەربارەی خۆپیشاندانەكانی عیراق بەڕێوەدەچێت
                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

PUKmedia سەرمەشقی رۆژنامەگەری ئەلیكترۆنی كوردی

رۆژی 22-1-2020 سایتی پیوكەی میدیا لە كاروانی رۆژنامەگەریی خۆیدا پێدەنێتە 17 ساڵەی تەمەنییەوە.

پیوكەی میدیا وەكو یەكەم سایتی زمانحاڵ...


  عەرەب هەڵۆکانی کوردستان راودەکەن
  دهۆک 24 حاڵەتی ئەنفلۆنزای بەرازی تۆمارکردوە


کاریکاتێر