مەراسیمێكی رێزلێنان بۆ ژمارەیەك ژنە تێكۆشەر سازدەكرێت

6/8/2019 21:04:00

چاپ کردن

بە وێنەوە

.

بەدروشمی ژنان رێی كاروانی خەبات، ئێوارەی ئەمڕۆ لەمەراسیمێكی تایبەتداو لەچوارچێوەی بەردەوامبوونی چالاكییە كۆمەڵایەتییەكانی بەشی ژنانی مەڵبەندی رێكخستنی سلێمانی و بەسەرپەرشتی حاكم قادرحەمەجان ئەندامی دەستەی كارگێڕی مەكتەبی سیاسی و لێپرسراوی مەڵبەندی رێكخستنی 1ی سلێمانی یەكێتیی نیشتمانیی كوردستان پرۆسەی رێزلینان بۆ ژماریەك ژنە تێكۆشەری گەلەكەمان بەگشتی و ژنانی شاری سلێمانی بەتایبەتی بەڕێوەچوو.

لەسەرەتای مەراسیمەكەدا حاكم قادر وتەیەكی پێشكەشی ئامادەبوان كردو تیایدا ئاماژەی بەڕۆڵی كاریگەروقارەمانێتی ژنانی تێكۆشەری گەلەكەمان لەسەرخستن و سەركەوتنی شۆڕش داو ئازایەتی فیداكارییانی بەرزنرخاند و وتی: ژنان كەمترنیین لە پیاوان و گەر بەنێو لاپەڕەكانی مێژووی سەرهەڵدان و شۆڕشەكانی گەلەكەماندا گوزەربكەین دەیان و سەدان ژنی تێكۆشەرو كۆڵنەدەر بەدیدەكەین و گیانفیداییان لەگەڵ رووباری خوێنی شەهیداندا ئاوێزانن .

دواتر هەموو ئەو ژنە تێكۆشەرانەی ناویان لەكتێبێكی مێژووییدا تۆماركرابوو رێزیان لێگیرا .

PUKmedia

‌