لێپرسراوی كۆمیته‌ی ڕێكخستنی زانكۆوپه‌یمانگه‌كان ده‌ستبه‌كاربوو

.

پرۆسه‌ی ئاڵوگۆڕو جێگۆڕكێی پۆسته‌كان له‌ ئۆرگان و به‌ش و كۆمیته‌كانی سه‌ربه‌ مه‌ڵبه‌ندی ڕێكخستنی سلێمانی درێژه‌ی هه‌یه‌و سه‌رله‌ئێواره‌ی ئه‌مڕۆ 6-8-2019، به‌سه‌رپه‌رشتی حاكم قادرحه‌مه‌جان ئه‌ندامی ده‌سته‌ی كارگێڕی مه‌كته‌بی سیاسی و لێپرسراوی مه‌ڵبه‌ندی رێكخستنی یه‌كی سلێمانی وبه‌ئاماده‌بوونی ژماره‌یه‌ك له‌ هه‌ڤاڵان جێگران و كارگێرانی مه‌ڵبه‌ندی ڕێكخستن، له‌مه‌راسیمێكی تایبه‌تدا لێپرسراوی كۆمیته‌ی ڕێكخستنی زانكۆوپه‌یمانگه‌كان ده‌ستبه‌كاربوو , له‌مه‌راسیمه‌كه‌داو له‌میانی ووته‌یه‌كیدا هه‌ڤاڵ حاكم قادربه‌و بۆنه‌یه‌وه‌ له‌پێناو پێشخستنی زانست وفێركردن وبره‌ودان به‌و بواره‌ گرنگه‌ ئاماژه‌ی به‌ڕۆڵ و پێگه‌ی زانكۆو په‌یمانگاكان داو هه‌وڵ وماندوبونی مامۆستایان وپرۆفیسۆرو ڕاگری كۆلیژو زانكۆكان به‌رز نرخاندو وتی: هه‌روه‌ك چۆن یه‌كێتیی نیشتمانیی كوردستان له‌خه‌باتی شاخدا بێ وچان بۆ گه‌یشتن به‌ئازادی وڕزگاری كۆڵینه‌داوه‌ , له‌م قۆناغه‌ی ئێستای شارستانیشدا هه‌موو هه‌وڵه‌كانی بۆگه‌شه‌پێدان وسه‌رخستنی بواری په‌روه‌رده‌و فێركردن درێغی ناكاو به‌رده‌وام ده‌بێت له‌هاندانی خوێندكارانمان و به‌گه‌رمووگوڕ كردن بۆ گه‌یشتن به‌ دوا قۆناغه‌كانی خوێندنی باڵا .

له‌به‌شێكی دیكه‌ی وته‌كانیدا له‌باره‌ی پرۆسه‌ی گۆڕانكارییه‌وه‌ وتی: گۆڕانكاری و جێگۆڕكێی لێپرسراوان ونوێبوونه‌وه‌ی یه‌كێتی ئه‌ركێكی هه‌ڤاڵانه‌یه‌و ئومێدی خواست پرۆسه‌ی گۆڕانكاری ئۆرگانه‌كانی مه‌ڵبه‌ندی ڕێكخستن ببێته‌ درێژكردنه‌وه‌ی پرۆسه‌ی نوێبونه‌وه‌ی یه‌كێتی ڕووه‌و گه‌یسشتن به‌ كۆنگره‌ی سه‌ركه‌وتوو ..

PUKmedia