دانیمارك.. ساڵیادی كاره‌ساتی شه‌نگال كرایه‌وه‌

.

به‌ مه‌به‌ستی به‌رزوپیرۆز راگرتنی یادی5 ه‌مین ساڵه‌ی كاره‌ساتی پڕتراژیدیاو جینۆسایدی ئێزدیه‌ سه‌ربه‌رزه‌كانی كوردستان وناوچه‌ی شه‌نگاڵ له‌ له‌ شاری كۆپنهاگنی پایته‌ختی وڵاتی دانیمارك به‌ به‌شداری بالیۆزی عیراقی له‌دانیمارك و هه‌روا نوێنه‌رانی حزب و لایه‌نه‌كانی كوردستانی و عیراقی و ده‌نیماركی و رێكخراوه‌كانی كۆمه‌ڵگه‌ی مه‌ده‌نی له‌سه‌ر بانگهێشتی كۆمه‌ڵه‌ی كولتوری ئێزیدیه‌كان له‌ دانیمارك مه‌راسیمێك به‌رێوه‌چوو.

به‌و مه‌به‌سته‌ش شاندێكی به‌ نوێنه‌رایه‌تی كۆمیته‌ی رێكخستنی (ی.ن.ك) كه‌ پێكهاتبوو له‌  به‌رپرسی كه‌رتی رێكخستنی كۆپنهاگن هاورێ مه‌حمود و ئه‌ندامی كه‌رت سه‌باح فاروق له‌ یاده‌كه‌ ئاماده‌بوون.

كورته‌ فیلمێك له‌سه‌ كاره‌ساتی قوربانیانی شه‌نكال پیشاندرا، پاشان له‌لایه‌ن كۆمه‌ڵه‌ی كولتوری ئێزیدیكان وتارێك خوێندرایه‌وه‌ و هه‌روا وتارێكیش به‌زمانی دانیماركی  به‌و بۆنه‌یه‌وه‌ پێشكه‌شكرا.

له‌ میانی مه‌راسیمه‌كه‌دا رۆژنامه‌نووس‌ ده‌نیز به‌رخۆدان له‌ سه‌ر كتێبه‌كه‌ی چوونی بۆ شه‌نگال و چاوپێكه‌وتن له‌گه‌ل خه‌ڵكی رزگاربووی له‌ده‌ست تیرۆرستانی داعش به‌ سینه‌ما ڤه‌یشن گرته‌یه‌كی پێشكه‌شكرد.

دواتر رێكخراوی په‌نابه‌ران و ئاواره‌ی دانیماركی كه‌ سه‌ربه‌ رێكخراوی سیمن ئوستن چه‌ند وێنه‌یه‌ك و دیكۆمێنتاری و فلیمێكیان له‌سه‌ر ئاواره‌كانی شه‌نگال پێشكه‌شكرد هه‌روا وتارێكیشیان به‌ هه‌مان مه‌به‌ست پێشكه‌شكرد.پاشان ناوو بروسكه‌ی لایه‌ن و رێكخراوه‌كانی ئاماده‌بووی مه‌راسیمه‌كه‌ خواێندرایه‌وه‌. 

مه‌راسیمه‌كه‌ له‌لایه‌ن لێژنه‌ی سه‌رپه‌رشتیار و میوانانه‌وه‌ به‌ كلیپی ڤیدیۆیی و وتار و په‌خشان و هۆنراوه‌ هه‌روا پێشانگایه‌ك له‌سه‌ر كاره‌ساتی شه‌نگال كاره‌ساته‌كانی تری كوردستان درێژه‌ی كێشا.

PUKmedia  تایبه‌ت