ئەنجومەنی باڵای خانمان: هێشتا چارەنووسی سەدان كچ و ژن نادیارە

ئەنجومەنی باڵای خانمان: هێشتا چارەنووسی سەدان كچ و ژن نادیارە


3/8/2019 16:21:00
چاپ کردن
بە وێنەوە    بە بێ وێنە
           
.

ئەنجومەنی باڵای كاروباری خانمان لە حكومەتی هەرێمی كوردستان بەبۆنەی 8ی ئابەوە ( رۆژی كۆمەڵكوژی و جینوێسایدی كوردانی ئێزیدی) پەیامێك بڵاودەكاتەوە.


دەقی پەیامەكە...


3/8 رۆژێكی شەرمهێنەر بۆ كۆمەڵگەی مرۆڤایەتی..!
تا ئێستاش مەترسی سەرهەڵدانەوەی هەیە ؟

پێنج ساڵ تێدەپەڕێت بەسەر كۆمەڵكوژیی و جینۆسایدی كوردانی ئێزیدی كە تیایدا هەزاران هاووڵاتی مەدەنی بوونە قوربانی بە تایبەتی كچان و ژنان و منداڵان, رووبەڕووی قێزەوەنترین شێوازەكانی توندوتیژی سێكسی و دەروونی بوونەوە، هێشتا چارەنووسی سەدان كچ و ژن نادیارە و لایەنە پەیوەندیدارەكان بەرپرسیارن لە دۆزینەوەیان، پێویستە حكومەتی عێراقی فێدڕاڵ داوا لە كۆمەڵگەی نێودەوڵەتی بكات بۆ دۆزینەوەی كچان و ژنانی رفێندراو پاڵپشت بە بڕیاری كۆمەڵەی گشتی نەتەوە یەكگرتوەوەكان لە 19/6/2015 كە رۆژی 19ی حوزەیرانی كردە رۆژی جیهانی نەهێشتنی توندوتیژی سێكسی لە كاتی ململانیەكاندا, ئەم بڕیارە گشت وڵاتانی ئەندام و چاودێر لە نەتەوە یەكگرتوەكان دەگرێتەوەو لە هەمان كاتدا پابەندیان دەكات لە  بەدەنگەوەهاتنی داخوازیی و چارەسەرییە دەروونی و تەندروستی و یاساییەكانی رفێندراوان و بە جینۆسایدناساندنی كۆمەڵكوژی ئێزیدییەكان و بە سزا گەیاندنی تاوانباران و هاوكارانیان.

لە كارەساتی شاڵاوی دڕندانەی داعش بە تایبەتی لە ناوچەكانی شنگال و دەشتی نەینەوا و دەوروبەری كەركووك و ناوچەكەكانی تر، ژنان و كچان رووبەڕووی توندوتیژی سەخت بوونەوەو وەك ئامرازی شەڕ لەلایەن چەكدارانی داعشەوە بەكارهێندران لە دەستدرێژیی سێكسی و كڕین و فرۆشتن و بەكۆیلەكردن و ئازاردانی دیكەی جەستەییان بەرامبەر ئەنجامدرا. بەڵام تائیستا هەوڵێكی جدی نابینین لە هەنگاونان بۆ دانانی بەرنامەو پلانی خێرا بۆ ئاوەدانكردنەوەی شنگال و دەشتی نەینەوا و كۆتایی هێنان بە ژیانی سەختی نێو كەمپەكان كە بە داخەوە دوای ئەو هەموو چەوسانەوەو توندوتیژیانەی بەرامبەریان كراوە و دوای پێنج ساڵ هێشتا بە ناچاری لە ژیانێكی سەخت و دژواردا دەژین لە كاتێكدا پێویستیان بە ماڵیكی ئارام و شایستەیە بۆ ڕزگاربونیان لەو شۆكە دەروونییەی تووشیان بووە .

هەر لە سەرەتاوە، لەلایەن دامەزراوە فەرمییەكانی هەرێم و رێكخراوە ناحكومییەكانەوە، هەوڵی بەپەلە كەوتە كار بۆ رزگاركردنی ڕفێندراوان و دابینكردنی پێداویستیە سەرەتاییەكانی رزگاربووان، لەم هەوڵەشدا رێكخراوی نەتەوەیەكگرتووەكان و گەڵێك ناوەندی نێودەوڵەتی هاوكاربوون. بەڵام بەداخەوە هێشتا زۆر ماوە بكرێت .

هەر لەم بۆنەیەدا جارێكی تر جەخت لە سەر بەرپرسیاریەتی حكومەتی عێراقی فیدراڵ دەكەینەوە و روودەكەینە رێكخراوی نەتەوە یەكگرتووەكان و گشت ناوەندە نێودەوڵەتەكانی دیكەو گشت مرۆڤدۆستان و داوایان لێدەكەین ئەركی مرۆڤانەیان لە ئاست ئەو خانمانە پەرەپێبدەن و هاوكارمان بن لە بەرنامەو پرۆژەكانی تایبەت بە كچانی ژێر دەست و رزگاربووی دەستی داعش, لە هەمانكاتدا وێڕای پیرۆزباییمان لە میری نوێی ئێزیدیان دواكارین گوشارو دواكارییەكانیان زیادبكەن بۆ بە دەنگەوەهاتنی ناوەندە فەرمی و نێودەوڵەتییەكان بۆ ئاوەدانكردنەوەی ناوچەكە و گەرانەوەی خێزانەكان بۆ ماڵ و حاڵی خۆیان و قەرەبووكردنەوەیان و دامەزراندنی سەنتەری تایبەتمەند بە چارەسەری دەروونی و تەندروستی و ..هتد.. و رزگاركردنی كچان و ژنانی رفێنراو.   

هەر لێرەوە دەستخۆشی لە پەرلەمانی كوردستان دەكەین بە ناساندنی رۆژی 3 ی ئاب وەكو رۆژی جینۆسایدی ئێزیدیەكان. 

لە كۆتاییدا دووپاتی دەكەینەوە كە دەستدرێژیی سێكسی و بە ئامانجكردنی ئافرەت لە كاتی ململانێكاندا، گشت كۆمەڵگەی مرۆڤایەتی دەپێكێت، گشت بەها بەرزەكان پێشێل دەكات، بۆیە پێویستە بۆ وەدیهێنانی جیهانێكی ئارام و جوانتر هەموومان پێكەوە بەرەنگاری گشت شێوازەكانی توندوتیژیی ببینەوە.


ئەنجومەنی باڵای كاروباری خانمان لە حكومەتی هەرێمی كوردستان


PUKmedia  تایبەت

وێنە هەواڵ
  • image04
  • نوێترین دەركەوتنی هێرۆ ئیبراهیم ئەحمەد

  • image04
  • فڕۆكه‌یه‌كی سوپای چیلی به‌ 38 سه‌رنشینه‌وه‌ ونبوو

  • image04
  • كۆنفرانسی مه‌ڵبه‌نده‌كان ده‌ستیپێكرد

  • image04
  • بەفربارین حاجی ئۆمەران سپی پۆشدەكات

  • image04
  • پێشمەرگە شەهیدەكانی گەرمیان

  • image04
  • میسی بۆ جاری شه‌شه‌م باڵۆن دۆڕی برده‌وه‌

  • image04
  • سێ كارمه‌ندی ئاسایشی گه‌رمیان شه‌هیدبوون

  • image04
  • به‌غدا.. خۆپیشانده‌ران بۆ ده‌ستله‌كاركێشانه‌وه‌ی عادل عه‌بدولمه‌هدی ئاهه‌نگ ده‌گێڕن


                                           

كۆمیتەی بەریتانیا كەرتی بۆلتۆن بەسەردەكاتەوە


وەفدێكی كۆمیتەی بەریتانیا سەردانی شاری بۆڵتۆنیان كرد و لەگەڵ كەرتی شارەكە كۆبوونەوە.

رۆژی 15-12-2019 وەفدێكی كۆ...


  کوردانی فەرە نسا بەردەوامن لە پشتگیری رۆژئاوا
  هۆڵەندا.. لە یادی ژەنەراڵی پایزدا فیلمێك نمایشدەكرێت
                                           

لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام


لاهور شێخ جه‌نگی له‌چاوپێكه‌وتنێكدا بۆ ئاژانس رایگه‌یاندوه‌، بۆ كۆنگره‌ دژی ته‌وافوقم، به‌ڵام له‌گه‌ڵ لێكتێگه‌یشتندام
 
لاهور ش...


  عومەر شێخ موس: سەركردایەتیی كورد لەسیاسەت تێ نەگەیشتووە
  حاجی مەسیفی: بۆ دانانی پارێزگاری كەركوك چیتر سەبرمان نەماوە
                                           

عه‌فرین.. تائێستا توركیا 150 هه‌زار دار زه‌یتوونی له‌ناو بردووه‌

جارێكی دیكه‌ تاڵان وبڕۆیی به‌رهه‌می زه‌یتونی جوتیارانی شاری عه‌فرین دێته‌وه‌ سه‌ر باس، به‌رپرسه‌ دیاره‌...


  سه‌رشۆڕێكی داعش له‌به‌رده‌م سه‌ری به‌رزی كچه‌ ئێزیدییه‌كدا
  روونكردنه‌وه‌كه‌ی ئه‌نجومه‌نی باڵای فه‌توا نیگه‌رانی لێده‌كه‌وێته‌وه‌


کاریکاتێر