riklam

مەكتەبی سیاسی:جوامێرەكانی گەرمیان ‌و گەرمەسێر پیلانی تیرۆرستانیان پوچەڵكردەوە

ی.ن.ک‌‌ 12:12 PM - 2019-08-01
.

.

مەكتەبی سیاسی یەكێتی رایدەگەیەنێت:پۆڵێك رۆڵەی بەئەمەكی گەرمیان بەگیانی پاكیان پیلانی تیرۆریستانیان پوچەڵكردەوە، دەشڵێت: قارەمانێتی‌و دڵسۆزی‌و ئەمەكی رۆڵە جوامێرەكانی گەرمیان ‌و گەرمەسێر سەلماندیەوە گەلەكەمان هەرگیز رێگەنادەن دوژمنان‌و تیرۆریستان ئارامی‌و ئاسایشی كوردستان بخەنە مەترسیەوە.

راگەیاندنی مەكتەبی سیاسی یەكێتیی نیشتمانیی كوردستان لەبارەی پەلامارە تیرۆرستییەكەی شەوی رابردووی سنوری گەرمیان راگەیەنراوێكی بڵاوكردەوەو تیایدا دەڵێت: شەوی رابردوو، تیرۆرستانی داعش، پەلاماری  بازگەی ناحیەی كۆكس-یان داو هێزەكانی ئاسایش ‌و دژەتیرۆر و پێشمەرگە قارەمانانە رووبەروویان بوونەوە، بەداخ ‌و پەژارەیەكی زۆرەوە پۆڵێك رۆڵەی بەئەمەكی گەرمیان شەهیدبوون ‌و بەگیانی پاكیان پیلانی تیرۆریستانیان پووچەڵكردەوە.

دەشڵێت: پرسەو سەرەخۆشی لە كەسوكارو بنەماڵە‌و هاوڕێ ‌و هاوسەنگەرانی شەهیدان (ئاسۆی مام جەلال مەسۆیی، بەرزان ئەحمەد، حەیدەر فوئاد، پشتیوان محەمەد جەبار) دەكەین، هاوبەشی خەم‌و پەژارەیانین، هەروەها هیوای زوو چاكبوونەوەیش بۆ بریندارەكان دەخوازین. 

لەبەشێكی دیكەی راگەیەنراوەكەدا ئەوەش هاتووە:  قارەمانێتی‌و دڵسۆزی‌و ئەمەكی ئەم رۆڵە جوامێرانەی گەرمیان‌و گەرمەسێر، سەلماندیەوە، كە گەلەكەمان هەرگیز رێگەنادەن دوژمنان‌و تیرۆریستان ئارامی‌و ئاسایشی كوردستان بخەنە مەترسیەوە. 

راگەیاندنی مەكتەبی سیاسی یەكێتی راشیدەگەیەنێت: خوێنی ئەم شەهیدانە‌و تەواوی شەهیدانی شەڕی رووبەرووبونەوەی تیرۆر، دەبێ هاندەری تەبایی‌و یەكڕیزی زیاتر بێت، بۆ ئەوەی باشتر رووبەروی مەترسیەكانی سەرلەنوێ سەرهەڵدانەوەی تیرۆر لەناوچەكەدا لەبەرچاوبگیرێی‌و ناوچەكەیش پاكبكرێتەوە لە تیرۆریستان. 

PUKmedia تایبەت 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket