په‌روین بابه‌كر: چین جه‌مسه‌رێكی گرنگی جیهانه‌

.

په‌روین بابه‌كر ئه‌ندامی سه‌ركردایه‌تی یه‌كێتیی نیشتمانیی كوردستان له‌شاری سلێمانی پێشوازیكرد له‌ (نی روجی) كونسوڵی گشتی چین له‌هه‌رێمی كوردستان و وه‌فدێكی هاوڕێی. له‌ دیدارێكدا  وێڕای گفتوگۆكردن له‌سه‌ر پێشخستن و په‌ره‌پێدانی ئابوری و له‌ ناویاندا په‌ره‌پێدانی كه‌رتی وزه‌، كه‌ ئه‌مڕۆ كه‌رتێكی هه‌ستیار و پڕبایه‌خی ئابورییه‌ چ له‌سه‌ر ئاستی ناوچه‌كه‌ چ له‌ سه‌ر ئاستی جیهان، (په‌روین بابه‌كر) خۆشحاڵی ده‌ربڕی به‌به‌رده‌وامیی و فراوانبوونی په‌یوه‌ندییه‌كان له‌گه‌ڵ كونسوڵگه‌ری چین و دامه‌زراوه‌ چیینییه‌كان.

هه‌ر سه‌باره‌ت به‌رۆڵی چین، له‌هاوكێشه‌ جیهانییه‌كاندا (په‌روین بابه‌كر) باسی له‌وه‌كرد چین ئه‌مڕۆ جه‌مسه‌رێكی گرنگی جیهانه‌ و به‌ دڵنیاییه‌وه‌ له‌ هه‌موو روویه‌كه‌وه‌ كاریگه‌ری له‌سه‌ر هه‌موو سێكته‌رێك هه‌یه‌، به‌تایبه‌تی سێكته‌ری ئابووری و پیشه‌سازی و كشتوكاڵ كه‌ راسته‌وخۆ په‌یوه‌ندییان به‌ ژیانی تاكه‌كانه‌وه‌ هه‌یه‌، له‌به‌ر ئه‌مه‌ هه‌موو وڵاتێك پێویسته‌ په‌یوه‌ندییه‌كی ته‌ندروستی له‌گه‌ڵ وڵاتی چیندا هه‌بێت، تا بتوانێت سود له‌ توانا بێشوماره‌كانی ئه‌و وڵاته‌ وه‌ربگرێت.

PUKmedia