له‌سه‌ر تۆ... له‌سه‌ر من

.

له‌سه‌ر تۆ... له‌سه‌ر من

× دوو شیش جگه‌ر و دووگ له‌سه‌ر تۆ.. جه‌ڵته‌یه‌كى حه‌یده‌رى له‌سه‌ر من.
× ھه‌ڕه‌شه‌یه‌كى نیوده‌قه‌یى له‌سه‌ر تۆ.. ھاڕه‌كردنى دینار و تمه‌ن له‌سه‌ر من.
× ھه‌زار خیانه‌ت و جاشایه‌تى له‌سه‌ر تۆ.. زاكیره‌یه‌كى زه‌عیف له‌سه‌ر من.
× تڕه‌ پۆپۆلیستێكى ھه‌رزه‌كار له‌سه‌ر تۆ.. سه‌دان لایك و چه‌پڵه‌ له‌سه‌ر من.
× دنیایه‌ك وه‌عدى سه‌وز و سوور له‌سه‌ر تۆ.. ئه‌قڵێكى ساویلكه‌ له‌سه‌ر من.
× دووسێ ته‌كه‌تولى بێ خێر له‌سه‌ر تۆ.. حیزبێكى داڕووخاو له‌سه‌ر من.
× دوو ده‌قیقه‌ فه‌حس له‌سه‌ر تۆ.. بیست و پێنج ھه‌زارییه‌كى سوور له‌سه‌ر من.
× ھه‌ناسه‌یه‌كى سیراوى له‌سه‌ر تۆ.. ده‌رزه‌نێك جنێو له‌سه‌ر من.
× شه‌ھاده‌یه‌كى ته‌زویر له‌سه‌ر تۆ.. كورسىیه‌كى په‌ڕله‌مان له‌سه‌ر من.
× سى چل گه‌نجى بێ ئیش له‌سه‌ر تۆ.. خوتبه‌یه‌كى ئاگرین له‌سه‌ر من.
× په‌روه‌رده‌یه‌كى سه‌قه‌ت له‌سه‌ر تۆ.. نه‌وه‌یه‌كى سه‌له‌فى له‌سه‌ر من.
× شارێكى بێ ساحێب له‌سه‌ر تۆ.. رۆژى ده‌یان كاره‌سات له‌سه‌ر من.