كۆسره‌ت ره‌سوڵ پێشوازی له‌سه‌ركونسڵی ئێران له‌سلێمانی كرد

.

ئێواره‌ی ئه‌مڕۆ یه‌كشه‌ممه‌ 28-7-2019 له‌شاری سلێمانی كۆسره‌ت ره‌سوڵ عه‌لی جێگری سكرتێری گشتی یه‌كێتیی نیشتمانیی كوردستان پێشوازیكرد له‌ مه‌هدی شوشته‌ری سه‌ركونسوڵی كۆماری ئیسلامی ئێران له‌سلێمانی.

له‌ دیداره‌كه‌دا جێگری سكرتێری گشتی پیرۆزبایی ده‌ستبه‌كاربوونی له‌ ئاغای شووشته‌ری كردو هیوای خواست رۆڵی ئه‌رێنی هه‌بێت له‌ په‌ره‌پێدانی په‌یوه‌ندییه‌كانی نێوان هه‌ردوولا.

په‌یوه‌ندییه‌كانی نێوان هه‌رێم و به‌غدا، دۆخی كوردستان و په‌یوه‌ندی نێوان لایه‌نه‌ سیاسییه‌كان ته‌وه‌ری تری دیداره‌كه‌ بوون و به‌وردی گفتوگۆی له‌باره‌وه‌ كراو هه‌ردوولا هاوڕابوون كه‌ لێكتێگه‌یشتنی هاوبه‌ش بۆ پرسه‌كان هه‌بێت.

PUKmedia راگه‌یاندنی جێگری سكرتێری گشتی