رێبوار و رێبوار

× شه‌رته‌ تا ده‌مرم به‌قوربان فیداكارت بم
- توخوا ئه‌وه‌ زه‌وقه‌ به‌م سبایى ساڵحانه‌؟
× تۆ زێڕى خالیس باوانم خۆم عه‌یارت بم
- به‌سه‌ بیبڕه‌وه‌
× رێبوار و رێبوار چاوه‌كه‌م به‌رێبوارت بم
- ئه‌ڵێم به‌سه‌ هه‌تیو.. ئه‌گینا دێم بۆت
× له‌مووچه‌ى به‌رزت ئه‌ى هاوار..
- به‌س.. تۆ مێشكت نى یه‌؟
× چیم كردووه‌ به‌گم؟! دڵم خۆشه‌ و گۆرانى ئه‌ڵێم..
- دڵت به‌چى خۆشه‌ نه‌گبه‌ت؟!
× ئه‌مشه‌و خه‌وم دى قوربان.. له‌خه‌وما دكتۆر وتى یه‌ك ده‌نك خه‌مى عیلله‌ته‌كه‌ى حیزبت نه‌بێ
- چاك ئه‌بێته‌وه‌ ئیشه‌ڵڵا؟!
× نا، نه‌وه‌ڵڵا چاك نابێته‌وه‌، به‌ڵام له‌سایه‌ى خواوه‌ ئه‌وبه‌ریشى گرتۆته‌وه‌
- هه‌ى به‌خێر نه‌یه‌یته‌وه‌تازه‌ت زانیوه‌؟! من حه‌و زه‌مانه‌ بیستوومه‌
× منیش بستبووم ئوستاز.. به‌س باوه‌ڕم نه‌ئه‌كرد..
- بۆچى باوه‌ڕت نه‌ئه‌كرد رۆڵه‌؟! هه‌موومان یه‌ك قوماش نین
× ده‌فه‌رموو ده‌ى.. من ته‌حلیلى سیاسیت بۆ ئه‌كه‌م، جه‌نابت ئه‌یبه‌یته‌وه‌ بۆسه‌ر قوماش.. به‌خوا بڕۆم باشه‌
- ئۆغر بێ؟!
× ئه‌چم دڵنه‌واییه‌كى ئه‌و خزمه‌مان ئه‌كه‌م فه‌قیره‌ نه‌قڵیان كرد
- نه‌قڵیان كرد بۆ كوێ؟
× گه‌وره‌م نه‌قڵیان كردووه‌ بۆ قه‌زاى گۆزه