قەرزی 25 ملیۆن دیناری دەدرێتە مووچەخۆران

.

بانكی رافیدەین بڕیاریدا پێدانی قەرزی فەرمانبەران بۆ 25 ملیۆن دینار زیاد بكات.

نوسینگەی راگەیاندنی بانكی رافیدەینی عیراق لە راگەیەنراوێكیدا كە وێنەیەكی گەیشتوەتە PUKmedia دەڵێت: بانكەكەمان بڕیاریدا بەزیادكردنی بڕی قەرزی فەرمانبەرانی دەوڵەت بۆ 25 ملیۆن دینارو ئەو فەرمانبەرانەش دەگرێتوە كە لەبانكەكان مووچە وەردەگرن و خاوەنی ماستەر كارتی نێودەوڵەتین.

بانكی رافیدەین داواش لەفەرمانبەران دەكات سەردانی لقەكانیان بكەن لەبەغداو پارێزگاكان بۆ پێشكەشكردنی داواكاری وەرگرتین قەرزەكە.

پێدانی قەرزی 25 ملیۆن دیناری بەفەرمانبەران و مووچەخۆران لەلایەن بانكی رافیدەینەوە فەرمانبەرانی هەرێمی كوردستان ناگرێتەوە، بەڵكو تەنها ئەو فەرمانبەرانەی هەرێم دەگرێتەوە كە سەر بە بەغدان.

PUKmedia