به‌ سه‌لامه‌تى نایه‌نه‌وه‌

.

به‌ سه‌لامه‌تى نایه‌نه‌وه‌

× بیخۆ به‌گم
- په‌له‌م لێ مه‌كه‌ رۆڵه‌
× كوڕه‌ بیخۆ بێ قه‌زابى یاخوا.. له‌چى ئه‌ترسى بیخۆ
- چى بخۆم رۆڵه‌؟! نابێ نه‌ختێ بیرى لێ بكه‌مه‌وه‌ خۆ بسته‌ هینه‌كان نى یه‌، ئه‌وه‌ى كه‌ ده‌میان كردۆته‌وه‌
× بسته‌ى خه‌ندان ئه‌فه‌رمووى؟
- نازانم.. خه‌ندانى پێ ئه‌ڵێن؟!
× به‌ڵێ قوربان.. ئینجا ئه‌وه‌ فه‌لسه‌فه‌یه‌كیشى تیایه‌.. ئه‌ڵێ ئه‌وه‌ى ده‌مى بكاته‌وه‌ زوو تیا ئه‌چێ..
- فیعله‌ن وایه‌.. بسته‌ قۆڕه‌كه‌ى تر كه‌ به‌ پلایسیش ناشكێ كه‌س ته‌ماعى تێ ناكات، به‌ڵام ئه‌م خه‌ندانه‌ ده‌م داچه‌قیوه‌ به‌شى هه‌ر خواردن و له‌ناوچوونه‌
× ده‌بیخۆ قوربان.. ئه‌و ئه‌سپه‌ بخۆ
- ئاخر ئه‌ترسم داو بێ و دوایى به‌ حه‌ره‌كه‌تێكى تر كش مه‌لیكم لێ بكات
× ئینجا با بیكا.. كش چى یه‌.. بیبه‌ره‌ ئه‌ولاتره‌وه‌.. موهیم ئه‌سپه‌كه‌یه‌.. بیخۆ
- ئه‌م ئه‌سپه‌ موهیمه‌؟! وه‌ڵڵا به‌قه‌د كه‌رێ ته‌ئسیرى نى یه‌..
× له‌ده‌ورى سه‌رت بگه‌ڕێم خراپ له‌وه‌زعه‌كه‌ حاڵى بووى.. ئێستا ئه‌وه‌نده‌ى كه‌ر ته‌ئسیرى هه‌یه‌ هه‌زار مایینى كه‌حیلان نیانه‌.. بیخۆ با نه‌جاتت بێ
- باشه‌ ئه‌وا خواردم.. ئه‌ى دواى ئه‌وه‌!
× دواى ئه‌وه‌ ئه‌توانى جوندییه‌كه‌ى ئه‌وسه‌ر ببه‌یته‌ پێشه‌وه‌ بیكه‌ى به‌ وه‌زیر
- نا نا به‌قوربانت بم وه‌زیر نا
× له‌به‌رچى ئوستاز؟
- چونكه‌ ئێستا هه‌رچییه‌ك ئه‌كه‌ى به‌ وه‌زیر له‌وسه‌ره‌وه‌ به‌سه‌لامه‌تى نایه‌ته‌وه