سبەینێ بەغدا مووچە دەنێرێت

.

وابڕیارە سبەینێ پارەی مووچەی فەرمانبەرانی هەرێم لە بەغداوە بنێردرێت و ئەندامێکی ئەنجومەنی نوێنەرانیش دەڵێت دواکەوتنی مووچە بەهۆی هەندێ کاری ناو وەزارەتەوە بووە.

لەو بارەیەوە د. بەختیار شاوەیس ئەندامی ئەنجومەنی نوێنەرانی عیراق لە فراکسیۆنی یەکێتیی نیشتیمانیی کوردستان بە PUKmedia ی رایگەیاند: وابڕیارە سبەینێ ٢٣-٧-٢٠١٩ پارەی مووچەی فەرمانبەرانی هەرێم لە بەغداوە بنێردرێت.

وتیشی: دواکەوتنی مووچە تەنها بەهۆی هەندێ کاروباری ناو وەزارەتی داراییەوە هەبووە و هیچ هۆکارێکی تر نییە.

حکومەتی هەرێمی کوردستان بۆ بەشێک لە مووچەی فەرمانبەرانی پشت بەو بڕە پارەیە دەبەستێت کە لە بەغداوە بۆ هەرێم رەوانە دەکرێت و بەهۆی نەناردنی ئەو پارەیەش دابەشکردنی مووچە بەرەو خاوبوونەوە چووە.

PUKmedia تایبەت