سوپاسنامەی بنەماڵەی سەعدی ئەحمەد پیرە

.

بنەماڵەی سەعدی ئەحمەد پیرە لەبەرامبەر بەشداریكردنی بەرپرسانی حكومی و حزبی و خەڵكی كوردستان لە پرسە و بەخاكسپاردنی خاتوو ( هینریتا) ی هاوسەری، سوپاسنامەیەكیان ئاڕاستە دەكات.

دەقی سوپاسنامەكە...

بەناوی خوای گەورە و میهرەبان ...
 
بەناوی خۆم و بنەماڵەکەمانەوە سوپاس و پێزانینی خۆمان ئاراستەی سەرجەم بەرپرسانی حکومی و حزبی هەرێمی کوردستان و بەرپرسانی حکومی و حزبی عیراق و نوێنەری نێردەی نەتەوەیەکگرووەکانی هەرێمی کوردستان و کونسڵ و دیبلۆماتکارانی ووڵاتان لە هەرێمی کوردستان و بەرپرسانی حزبی حزبە کوردستانییەکان و رێکخراوەکانی کۆمەڵی مەدەنی و کەسایەتییە ئاینی و کۆمەڵایەتی و عەشایەرەکانی کوردستان و عیراق و سەرجەم فەرماندەکانی هێزی پێشمەرگە و هێزەکانی ناوخۆ و کۆمەڵانی خەڵکی کوردستان دەکەم بەهەموو نەتەوە و ئاین و ئاینزاکانەوە ، چ لە کاتی مەراسیمی بەخاکسپاردنی لە ووڵاتی نەمسا ، چ لە  ناوخۆی هەرێمی کوردستان بەشداربوون لە پرسەی خاتوو (هێنرێتا)ی هاوسەرم .
هاوکات سوپاس پێزانینمان بۆ هەموو ئەو دۆست و ئازیزانەش هەیە کە بە رێگەی تەلەفۆن و نامە و ئیمەیڵ و تۆڕەکۆمەڵایەتییەکانەوە هاوخەمی خۆیان نیشاندا و بەشێکی زۆر لە خەم ئازارەکانی ئێمەیان کەم کردەوە ، سوپاسی دڵسۆزی و وەفاداری هەموو لایەکتان دەکەین .
 
 
سەعدی ئەحمەد پیرە
ئاکۆ پیرە
تارا پیرە

PUKmedia  دەرباز ستار