riklam

زیهۆفه‌ر: ئه‌وه‌ی مافی په‌نابه‌ری نه‌یگرێته‌وه‌ ده‌بێ ئه‌وروپا به‌جێبێڵێت

جیهان 02:13 PM - 2019-07-19
.

.

وه‌زیری ناوخۆی ئه‌ڵمانیا: ئه‌وه‌ی مافی په‌نابه‌ری نه‌یگرێته‌وه‌ ده‌بێ ئه‌وروپا به‌جێبێڵێ
له‌میانه‌ی چاوپێكه‌وتنێكیدا له‌گه‌ڵ كه‌ناڵی DW هۆرست زیهۆفه‌ری وه‌زیری ناوخۆی فیدراڵی ئه‌ڵمانیا پێیوایه‌ چاره‌سه‌ری ئه‌وروپی بۆ كێشه‌ی ئه‌و كۆچبه‌رانه‌ی له‌ده‌ریاوه‌ ڕزگارده‌كرێن په‌یوه‌ندی به‌كاته‌وه‌ هه‌یه‌.وه‌زیری ناوخۆی ئه‌ڵمانیا له‌و دیداره‌دا باس له‌گرنگترینبیرۆكه‌و پێشنیاره‌كان ده‌كات بۆ ڕوبه‌ڕوبونه‌وه‌ی ئه‌و كێشه‌یه‌ له‌ناویاندا په‌له‌كردن له‌گه‌ڕاندنه‌وه‌ی كۆچبه‌ران بۆ وڵاتی خۆیان.

زیهۆفه‌ر ئاشكرایكرد كۆبونه‌وه‌ی وه‌زیرانی ناوخۆی یه‌كێتی ئه‌وروپا له‌هلسنكی پایته‌ختی فنله‌ندا سه‌باره‌ت به‌دابه‌شكردنی ئه‌و كۆچبه‌رانه‌ی له‌ده‌ریاوه‌ ڕزگارده‌كرێن..نه‌گه‌شتنه‌ هیچ رێكه‌وتنێك له‌گه‌ڵ ئه‌وه‌شدا گه‌شبینه‌ به‌وه‌ی له‌چه‌ند هه‌فته‌ی داهاتودا ده‌گه‌نه‌ چاره‌سه‌ری ته‌واو.

له‌وه‌ڵامی پرسیارێكیشدا سه‌باره‌ت به‌هه‌ندێك له‌وانه‌ی له‌ده‌ریادا ڕزگار ده‌كرێن و شایسته‌ی پێدانی مافی په‌نابه‌ری نین كه‌ ئایا هه‌ر له‌ئیتاڵیا ده‌مێننه‌وه‌ یان ده‌هێندرێنه‌ ئه‌ڵمانیا؟ زیهۆفه‌ر وتی: هه‌موومان له‌سه‌ر ئه‌وه‌ كۆكین ئه‌و كه‌سانه‌ به‌زوویی بگه‌ڕێنینه‌وه‌ بۆ وڵاتی خۆیان و ئه‌وكه‌سانه‌ی كه‌پێویستیان به‌پارێزگاریكردن نییه‌ ناتوانن له‌ئه‌وروپادا بمێننه‌وه‌ وتیشی: ڕێكخراوه‌ ناحكومییه‌كانی كۆمه‌ڵگه‌ی مه‌ده‌نیش به‌شێك له‌به‌رپرسیارێتی هه‌ڵده‌گرن كاتێك به‌ناڕه‌وا پشتگیری له‌ پرۆسه‌ی كۆچبه‌ری نایاسایی ده‌كه‌ن.

PUKmedia شیهاب عوسمان- ئه‌ڵمانیا
س: دیداری ڕۆژنامه‌نوس "بیرند ریگیرت"

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket