ئاسایشی هەولێر: لەڕووداوی تەقەكردنەكەدا دوو كەس كوژراون

17/7/2019 16:18:00

چاپ کردن

بە وێنەوە

.

ئاسایشی هەولێر رایگەیاند لەڕووداوی تەقەكردنەكەدا دوو كەس كوژراون كە یەكێكیان كارمەندی كونسوڵخانەی توركیایەو كەسێكی تریش بریندار بووە.

بەڕێوەبەرایەتی ئاسایشی هەولێر لەبارەی رووداوەكەوە راگەیەنراوێكی بڵاوكردەوەو تیایدا دەڵێت: ئەمڕۆ لەڕیستۆرانتێكی شاری هەوڵێر رووداوێكی تەقەكردن روویدا كە بەداخەوە بووە هۆی گیان لەدەستدانی كارمەندێكی كونسوڵخانەی توركیاو هاووڵاتیەك و برینداربوونی یەكێكی دیكە.

دەشڵێت: ئێمە لە كاتێكدا ئەم رووداوە بەتوندترین شێوە شەرمەزار دەكەین و هاوخەمی خۆشمان لەگەڵ كەسوكاری قوربانییەكان دەردەبڕین، لەهەمانكاتدا هاووڵاتیانی هەولێرو بەتایبەتیش دیپلۆماتكاران دڵنیا دەكەینەوە كە رێگە نادەین دۆخی ئارام و ئاسایشی هەرێمی كوردستان تێكبدرێت، لێكۆڵینەوەش لە رووداوەكە دەستیپێكردوەو تاوانبارانیش بەسزای خۆیان دەگەن.

PUKmedia

‌