لەهەولێر تەقە لەكارمەندانی كونسوڵخانەی توركیا كرا

.

لەریستۆرانتێكی نزیك كونسوڵخانەی توركیا لەهەولێر دەستڕێژی گوللە كراو بەهۆیەوە چەند كەسێك كوژران كە یەكێكیان جێگری كونسوڵخانەی توركیایە لەهەرێم.

دوای نیوەڕۆ ئەمڕۆ 17ی تەموزی 2019، لەنێو ریستۆرانتێكدا لەهەولێری پایتەختی هەرێمی كوردستان كە نزیكە لە كونسوڵخانەی توركیا لەهەرێم، دەستڕێژی گوللە كراو كارمەندێكی كونسوڵخانەی توركیاو كەسێكی دیكە كوژران و برینداریشی لێكەوتەوە.

دوای رووداوەكەش، هێزە ئەمنییەكان ناوچەكەیان گەمارۆداو لەڕێی كامێراكانی چاودێرییەوە دەیانەوێت ئەنجامدەرانی بدۆزنەوە.

وەزارەتی دەرەوەی توركیاش راگەیەنراوێكی لەبارەی رووداوەكەوە بڵاوكردەوەو تیایدا دەڵێت: ئەمڕۆ كارمەندێكمان كە لەنزیك بارەگای كونسوڵخانە بووە بەهۆی هێرشێكەوە كوژراوە كە لەلایەن كەسانی نەناسراوە ئەنجامدراوە.

دەشڵێت: لەپەیوەندی بەردەوامداین لەگەڵ دەسەڵاتدارانی عیراق و هەرێمی كوردستان بۆ ئەوەی بەخێرایی ئەنجامدەرانی رووداوەكە بدۆزنەوە. 

PUKmedia تایبەت