riklam

د.ئارام: به‌ره‌و پێشبردنی ئاستی زانستی پێویستی به‌ شه‌ونخونییه‌

کوردستان 05:59 PM - 2019-07-16
.

.

وه‌زیری خوێندنی باڵا و توێژینه‌وه‌ی زانستی ڕایگه‌یاند: به‌ره‌و پێشبردنی ئاستی زانستی دامه‌زراوه‌كانی خوێندنی باڵا، پێویستی به‌ شه‌ونخونی و كاری به‌رده‌وام هه‌یه‌، بۆ به‌ره‌و پێشبردنی ئاستی دامه‌زراوه‌كانیشمان، پێویسته‌ هه‌مووان له‌ به‌رامبه‌ر به‌رپرسیاریه‌تیدابین.

ئه‌م جه‌تكردنه‌وه‌ی د. ئارام محه‌مه‌د قادر وه‌زیری خوێندنی باڵا و توێژینه‌وه‌ی زانستی له‌میانی به‌سه‌ركردنه‌وه‌ی هۆبه‌و به‌ش و به‌ڕێوه‌به‌رایه‌تی و فه‌رمانگه‌كانی وه‌زاره‌ت هات، كه‌ ئه‌مڕۆ 16-7-2019، له‌گه‌ڵ ڕاوێژكارو به‌ڕێوه‌به‌رانی گشتی، یه‌كه‌ به‌ یه‌كه‌ی فه‌رمانگه‌كانی دیوانی وه‌زاره‌تی به‌سه‌ركرده‌وه‌و له‌ نزیكه‌وه‌ له‌گه‌ڵ مامۆستاو فه‌رمانبه‌رو ئه‌و هاووڵاتییانه‌ی بۆ ڕایكردنی كاروباره‌كانیان سه‌ردانی وه‌زاره‌تیان كردبوو گفتوگۆی كرد.

له‌میانی به‌سه‌ركردنه‌وه‌كه‌یدا د. ئارام محه‌مه‌د قادر سوپاسی ستافی وه‌زاره‌تی خوێندنی باڵاو توێژینه‌وه‌ی زانستی كردو، ڕوو له‌ مامۆستاو فه‌رمانبه‌رانی وه‌زاره‌ت دوپاتیكرده‌وه‌ پێویسته‌ هه‌موان له‌ ئاست خواست و داواكاری ئه‌و كه‌سانه‌ بین كه‌ ڕۆژانه‌ بۆ ڕایكردنی كاروباره‌كانیان سه‌ردانی وه‌زاره‌ت ده‌كه‌ن و پێویسته‌ به‌ باشترین شێوه‌ خزمه‌تیان پێشكه‌ش بكرێت.

وه‌زیری خوێندنی باڵا و توێژینه‌وه‌ی زانستی وتیشی: به‌ره‌و پێشبردنی ئاستی زانستی و ئه‌كادیمی دامه‌زراوه‌كانی خوێندنی باڵا له‌ هه‌رێمه‌كه‌مان، پێویستی به‌ شه‌ونخونی و كاری به‌رده‌وام هه‌یه‌، پێوسته‌ هه‌موان له‌ ئاست ئه‌و به‌رپرسیاره‌تیه‌دابین بۆ ئه‌وه‌ی ئامانجه‌كانمان بێنینه‌ دی.

له‌به‌شێكی دیكه‌ی به‌سه‌ركردنه‌وه‌ی به‌شه‌كانی وه‌زاره‌ت، وه‌زیری خوێندنی باڵا و توێژینه‌وه‌ی زانستی له‌ كه‌موكوڕی و داواكاری مامۆستاو فه‌رمانبه‌رانی وه‌زاره‌تی كۆڵییه‌وه‌و، به‌ڵێنیدا كاربكه‌ن بۆ ئه‌وه‌ی بتوانن به‌پشتیوانی هه‌مولایه‌ك كه‌موكوڕییه‌كان چاره‌سه‌ربكرێن و كار بۆ جێبه‌جیكردنی داواكارییه‌كانیش بكرێت.
له‌به‌رامبه‌ریشدا هه‌ریه‌ك له‌ به‌ڕێوه‌به‌ری گشتی فه‌رمانگه‌كان و فه‌رمانبه‌رو مامۆستایانی وه‌زاره‌ت، به‌ڵێنیان دوپاتكرده‌وه‌ هه‌میشه‌ خه‌مخۆری كه‌رتی خوێندنی باڵا بن و درێغی نه‌كه‌ن له‌ به‌ره‌و پێشبردنی ئاستی زانستی له‌ هه‌رێمی كوردستان.

PUKmedia راگه‌یاندنی وه‌زاره‌ت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket