نوێنه‌رانی كورد: سه‌ردانی وه‌فدی هه‌رێم بۆ به‌غدا ئه‌رێنییه‌

.

ئه‌ندامانی كورد له‌ لیژنه‌ی دارایی نوێنه‌ران سه‌ردانی وه‌فدی باڵای حكومه‌تی هه‌رێم بۆ به‌غداو كۆبوونه‌وه‌ی له‌گه‌ڵ به‌رپرسانی حكومه‌تی فیدراڵی به‌ هه‌نگاوێكی باش بۆ چاره‌سه‌ركردنی كێشه‌ هه‌ڵواسراوه‌كانی نێوان هه‌رێم و به‌غدا وه‌سفده‌كه‌ن.

ئه‌ندامێكی كورد له‌ لیژنه‌ی دارایی ئه‌نجومه‌نی نوێنه‌رانی عیراق ئه‌مڕۆ 16-7-2019، به‌ PUKmedia ی راگه‌یاند: سه‌ردانی وه‌فدی هه‌رێم بۆ به‌غداو دانوستان له‌گه‌ڵ حكومه‌تی فیدراڵی بۆ چاره‌سه‌ركردنی كێشه‌ هه‌ڵواسراوه‌كانی نێوان هه‌ردوولا به‌ تایبه‌ت كێشه‌ی بودجه‌، هه‌نگاوێكی زۆر باش و ئه‌رێنییه‌و چاروه‌ڕوان ده‌كرێت ئه‌نجامی زۆرباشی هه‌بێت.
راشیگه‌یاند: پێم وایه‌ ئه‌م سه‌ردانانه‌ كێشه‌كانی نێوان هه‌رێم و به‌غدا به‌ره‌و چاره‌سه‌ركردن ده‌بات.

هه‌رله‌و باره‌یه‌وه‌ ته‌ها ئه‌مین ئه‌ندامی ئه‌نجومه‌نی نوێنه‌رانی عیراق له‌سه‌ر فراكسیۆنی یه‌كێتیی نیشتمانیی كوردستان به‌ PUKmedia ی راگه‌یاند: سه‌ردانی وه‌فدی باڵای هه‌رێم بۆ به‌غداو دانوستان و گفتوگۆ له‌گه‌لًَ  حكومه‌تی فیدراڵ سه‌ره‌تایبه‌كی باشه‌ بۆ چاره‌سه‌ركردنی كێشه‌كانی هه‌ردوولا، چونكه‌ ئه‌مه‌ بۆ خۆی نیاز پاكی هه‌رێم پیشانده‌دات به‌رامبه‌ر به‌غداو زیاتر لێكنزیك بوونه‌وه‌ له‌ نێوان هه‌ردوولادا دروستده‌كات.

 راشیگه‌یاند: هه‌رێمی كوردستان تائێستا به‌شێكه‌ له‌ عیراق، بۆیه‌ ده‌بێت وه‌ك كورد مافه‌كانمان له‌سه‌ر حكومه‌تی عیراق بسه‌ڵمێنین له‌سه‌رجه‌م سێكته‌ره‌كاندا، وتیشی: پێویستیشه‌ حكومه‌تی هه‌رێم جددی بێت له‌ چاره‌سه‌ركردنی كێشه‌كانی له‌گه‌ڵ به‌غدا، چونكه‌ بێگومان به‌ مانه‌وه‌ی به‌و شێوه‌یه‌و چاره‌سه‌رنه‌كردنی كێشه‌كان له‌گه‌ڵ به‌غدا، هه‌رێمی كوردستان رووبه‌ڕووی كێشه‌ی زۆر گه‌وره‌تری دارایی و ده‌بێته‌وه‌ به‌ تایبه‌ت له‌ساڵی ئاینده‌دا، واته‌ له‌ بودجه‌ی گشتی 2020 دا، بۆیه‌پێویسته‌ له‌ ئێستاوه‌ هه‌نگاوی جددی بنێت بۆ زیاتر لێكنزیبوونه‌وه‌و چاره‌سه‌ركردنی كێشه‌ هه‌ڵواسراوه‌كانی له‌گه‌ڵ به‌غدا.

PUKmedia تایبه‌ت