قوباد تاڵه‌بانی: خزمه‌تكردنی هاووڵاتیان ببێته‌ كلتوور

.

قوباد تاڵه‌بانی رایده‌گه‌یه‌نێت، هیوادارین پێكه‌وه‌ بتوانین ئه‌و راستیه‌ی كه‌ ئێمه‌ "به‌رپرسی هاووڵاتیان نین، به‌ڵكو خزمه‌تكاریانین" بكه‌ینه‌ كلتوور.

قوباد تاڵه‌بانی جێگری سه‌رۆكی ئه‌نجومه‌نی وه‌زیران رایگه‌یاند: له‌ یه‌كه‌مین كۆبوونه‌وه‌ی ئه‌نجومه‌نی وه‌زیرانی كابینه‌ی نۆیه‌م، به‌ گرنگییه‌وه‌ باسمان له‌ پێویستیی باشتركردنی مامه‌ڵه‌ی به‌رپرس و فه‌رمانبه‌رانی حكومه‌ت له‌گه‌ڵ هاووڵاتیان كرد، به‌و هیوایه‌ی پێكه‌وه‌ بتوانین ئه‌و راستیه‌ی كه‌ ئێمه‌ "به‌رپرسی هاووڵاتیان نین، به‌ڵكو خزمه‌تكاریانین" بكه‌ینه‌ كلتوور.

دوێنێ دووشه‌ممه‌ 15-7-2019، یه‌كه‌مین كۆبوونه‌وه‌ی ئه‌نجومه‌نی وه‌زیرانی هه‌رێم به‌سه‌رۆكایه‌تی مه‌سرور بارزانی سه‌رۆكی ئه‌نجومه‌نی وه‌زیران و قوباد تاڵه‌بانی جێگری سه‌رۆكی ئه‌نجومه‌نی وه‌زیران له‌شاری هه‌ولێر به‌ڕێوه‌چوو.

PUKmedia تایبه‌ت