وه‌زاره‌تی خوێندنی باڵا پلانی چوار ساڵی داهاتوو داده‌ڕێژێت

وه‌زاره‌تی خوێندنی باڵا پلانی چوار ساڵی داهاتوو داده‌ڕێژێت


16/7/2019 08:57:00
چاپ کردن
بە وێنەوە    بە بێ وێنە
           
.

د.ئارام محه‌مه‌د قادر وه‌ك وه‌زیری نوێی خوێندنی باڵا و توێژینه‌وه‌ی زانستی ده‌ستبه‌كاربوو.

دوای به‌ڕێوه‌چونی مه‌راسیمی سوێند خواردنی ئه‌ندامانی كابینه‌ی نۆیه‌م له‌ په‌رله‌مانی كوردستان،  د. ئارام محه‌مه‌د قادر وه‌ك وه‌زیری نوێی خوێندنی باڵا و توێژینه‌وه‌ی زانستی ده‌ستی به‌كاره‌كانی خۆیی كرد.

له‌ ڕێوڕه‌سمێكدا، كه‌ رۆژی دوو شه‌ممه‌، ڕێكه‌وتی 15-7-2019 له‌ دیوانی وه‌زاره‌ت به‌ ئاماده‌بونی د. ئومێد سه‌باح سه‌رۆكی دیوانی سه‌رۆكایه‌تی ئه‌نجومه‌نی وه‌زیران و د. ئامانج ره‌حیم سكرتێری ئه‌نجومه‌نی وه‌زیران و شه‌عبان شه‌عبان چالی به‌ڕێوه‌به‌ری نوسینگه‌ی سه‌رۆكی حكومه‌ت و ڕاوێژكار و به‌ڕێوه‌به‌رانی گشتی وه‌زاره‌ت به‌رێوه‌چوو، پرۆسه‌ی ئاڵوگۆڕی پۆستی وه‌زاره‌تی خوێندنی باڵا و توێژینه‌وه‌ی زانستی ئه‌نجامدراو د. یوسف گۆران وه‌زیری پێشوی خوێندنی باڵا و توێژینه‌وه‌ی زانستی له‌ وته‌یه‌كدا دوای به‌خێرهێنانی د. ئارام محه‌مه‌د قادر، هیوای سه‌ركه‌وتنی له‌و ئه‌ركه‌ نوێیه‌ بۆ خواست.

له‌ به‌شێكی دیكه‌ی قسه‌كانیدا، د.یوسف گۆران كاره‌كانی وه‌زاره‌تی خوێندنی باڵا و توێژینه‌وه‌ی زانستی ئه‌و كاروچالاكیانه‌ی كه‌ له‌ ماوه‌ی ڕابردو ئه‌نجامیانداوه‌ به‌كورتی بۆ وه‌زیری نوێی خوێندنی باڵا باس كرد، دواتریش ئاماژه‌ی به‌پێكهاته‌ی وه‌زاره‌ت و ئه‌رك و كارو چالاكی فه‌رمانگه‌كان و گرنگی و ڕۆڵی كه‌رتی خوێندنی باڵا كرد، پاشان ڕاوێژكاران و به‌ڕێوه‌به‌ره‌ گشتیه‌كانی به‌ وه‌زیری نوێی خوێندنی باڵا و توێژینه‌وه‌ی زانستیش ناساند. هه‌روه‌ك له‌ كۆتایی قسه‌كانیدا وه‌زیری پێشوی خوێندنی باڵا و توێژینه‌وه‌ی زانستی ئاماده‌یی هه‌مو جۆره‌ هاریكاریه‌كی بۆ د. ئارام محمد قادر ده‌ربڕی بۆ سه‌ركه‌وتنی كاره‌كانی و سه‌رخستنی كارنامه‌ی كابینه‌ی نۆیه‌می حكومه‌تی هه‌رێم.

له‌لایه‌ن خۆشیه‌وه‌ د. ئارام محه‌مه‌د قادر وه‌زیری خوێندنی باڵا و توێژینه‌وه‌ی زانستی له‌ وته‌یه‌كدا سوپاسی د. یوسف گۆران وه‌زیری پێشوی خوێندنی باڵا و توێژینه‌وه‌ی زانستی و ستافی وه‌زاره‌ت و ته‌واوی وه‌زیره‌كانی ڕابردووی وه‌زاره‌تی خوێندنی باڵا و توێژینه‌وه‌ی  زانستی و سه‌رۆك زانكۆكان و سه‌رجه‌م سه‌ربازه‌ ونه‌كانی كه‌ شه‌ونخونی و خزمه‌تیان كردوه‌ له‌و كه‌رته‌ كرد، كه‌ وێڕای ئاسته‌نگ و به‌ره‌نگارییه‌كان توانیان له‌م كه‌رته‌ ده‌ستكه‌وت بۆ وڵاته‌كه‌مان به‌رهه‌م بێنن، هه‌روه‌ك به‌ڵێنیشی دوپاتكرده‌وه‌ بۆ درێژه‌دان به‌ ئه‌ركه‌كان و ئه‌و كارانه‌ی ته‌واونه‌كراون به‌هیمه‌تی هه‌موولایه‌ك كار بۆ جێبه‌جێكردنیان بكرێت.

له‌باره‌ی ئه‌نجامدانی ریفۆرم له‌ كه‌رتی خوێندنی باڵا و گرنگی ئه‌م پرۆسه‌یه‌، د. ئارام محمد قادر ئاماژه‌ی بۆ ئه‌وه‌ كرد ریفۆرم له‌سه‌رجه‌م سێكته‌ر و ئاسته‌كان پێویست و گرنگه‌، به‌تایبه‌ت له‌ كه‌رتی خوێندنی باڵادا، بۆیه‌ به‌هیمه‌تی هه‌موان كارده‌كه‌ین بۆ ئه‌وه‌ی بتوانین كاری گرنگ و پێوست بۆ ولاته‌كه‌مان ئه‌نجام بده‌ین و ئامانجه‌كانی ریفۆرم له‌ كه‌رتی خوێندنی باڵا به‌ ته‌واوه‌تی بێنێنه‌دی.

هه‌ر له‌ قسه‌كانیدا وه‌زیری خوێندنی باڵا و توێژینه‌وه‌ی زانستی ئاماژه‌ی به‌ كارنامه‌ی كابینه‌ی نۆیه‌می حكومه‌تی هه‌رێمی كوردستان كردو ڕایگه‌یاند: به‌پێی بڕیاری ئه‌نجومه‌نی وه‌زیران كارده‌كه‌ین بۆ ئه‌وه‌ی له‌ماوه‌ی 30 رۆژدا له‌گه‌ڵ ئه‌نجومه‌نی وه‌زاره‌ت و لایه‌نه‌ په‌یوه‌نداره‌كان پرۆژه‌ و پلانی چوار ساڵی داهاتومان ئاماده‌ بكه‌ین، بۆ ئه‌مه‌ش پێویستمان به‌ هاوكاری و هه‌ماهه‌نگی یه‌كتره‌ بۆ ئه‌وه‌ی بتوانین كارنامه‌یه‌كی گشتگیر و هه‌مه‌لایه‌ن بۆ گه‌شه‌پێدانی كه‌رتی خوێندنی باڵا له‌ هه‌رێمی كوردستان ئاماده‌ بكه‌ین.

له‌ به‌شێكی دیكه‌ی مه‌راسیمی ئاڵوگۆڕی پۆستی وه‌زاره‌تی خوێندنی باڵا و توێژینه‌وه‌ی زانستی هه‌ریه‌ك له‌ د. ئومێد سه‌باح سه‌رۆكی دیوانی سه‌رۆكایه‌تی ئه‌نجومه‌نی وه‌زیران و د. ئامانج ره‌حیم سكرتێری ئه‌نجومه‌نی وه‌زیران و شه‌عبان شه‌عبان چالی به‌ڕێوه‌به‌ری نوسینگه‌ی سه‌رۆكی حكومه‌ت، له‌ وته‌ی جیاجیادا پیرۆزبایی ده‌ستبه‌كاربونیان له‌ د. ئارام محمد قادر كرد وه‌ك وه‌زیری نوێی خوێندنی باڵا و توێژینه‌وه‌ی زانستی هیوای سه‌ركه‌وتنیان له‌م ئه‌ركه‌ بۆ خواست، هه‌روه‌ك سوپاسی د. یوسف گۆران وه‌زیری پێشوی خوێندنی باڵا و توێژینه‌وه‌ی زانستیشان كرد بۆ ئه‌رك و كاره‌كانی له‌ ماوه‌ی كابینه‌ی هه‌شته‌مداو ئه‌و پرۆژه‌و كارانه‌ی له‌و ماوه‌یه‌دا ئه‌نجامدراون، به‌تایبه‌ت پرۆژه‌ی سه‌ربه‌خۆی دارایی زانكۆكان كه‌ ئه‌م پرۆژه‌یه‌ بوه‌ هۆی بوژانه‌وه‌ی كه‌رتی خوێندنی باڵا له‌ كوردستان و زیاتر پێشخستنی ئاستی زانستی و ئه‌كادیمی زانكۆكانی كوردستان.


PUKmedia به‌ڕێوه‌به‌رایه‌تی ڕاگه‌یاندنی وه‌زاره‌ت

وێنە هەواڵ
  • image04
  • پێشمه‌رگه‌ی دێرین ئه‌حمه‌د زاگه‌ كۆچی دوایی كرد

  • image04
  • هەڵواسینی وێنەی هونەرمەندی خوالێخۆشبوو ( ئاسۆ عومەر سوارە) لەچایخانەی شەعب

  • image04
  • هه‌مواری په‌یڕه‌وی ناوخۆی یه‌كێتی به‌رده‌وامه‌

  • image04
  • كۆبوونەوەی ئەنجومەنی باڵای سیاسی و بەرژەوەندی یەكێتیی نیشتمانیی كوردستان

  • image04
  • یه‌كه‌مین كۆبوونه‌وه‌ی ئه‌نجومه‌نی گشتی سه‌ركردایه‌تی یه‌كێتی

  • image04
  • به‌فر هه‌رێمی كوردستان سپی پۆش ده‌كات

  • image04
  • ریاڵ مه‌درید نازناوی جامی سوپه‌ری یانه‌كانی ئیسپانیای به‌ده‌ستهێنا

  • image04
  • بووكێك خه‌رجی هاوسه‌رگیرییه‌كه‌ی خۆی ده‌به‌خشێته‌ نه‌خۆشخانه‌ی هیوا


                                           

دانیمارك..كۆنگرەی ئەنجومەنی ژنان بەڕێوەچوو


ڕۆژی یەكشەم بەرواری    19-1-2020  وەفدێكی  لە یەكێتی ژنانی كوردستان لە دانیمارك بەشداری كۆنگرەی  ئەنجومەنی ژنانیان كرد لە كۆبنهاگن.
  كەنەدا.. سیمینارێك دەربارەی خۆپیشاندانەكانی عیراق بەڕێوەدەچێت
  فینلاند.. ساڵیادی كۆماری كوردستان ده‌كرێته‌وه‌

                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

PUKmedia سەرمەشقی رۆژنامەگەری ئەلیكترۆنی كوردی

رۆژی 22-1-2020 سایتی پیوكەی میدیا لە كاروانی رۆژنامەگەریی خۆیدا پێدەنێتە 17 ساڵەی تەمەنییەوە.

پیوكەی میدیا وەكو یەكەم سایتی زمانحاڵ...


  عەرەب هەڵۆکانی کوردستان راودەکەن
  دهۆک 24 حاڵەتی ئەنفلۆنزای بەرازی تۆمارکردوە


کاریکاتێر