نوێنه‌ران پشكی هه‌رێم له‌ بودجه‌ تاوتوێده‌كات

.

وابڕیاره‌ ئه‌نجومه‌نی نوێنه‌رانی عیراق هه‌ریه‌ك له‌ وه‌زیری نه‌وت و وه‌زیری دارایی و سه‌رۆكی دیوانی چاودێری دارایی حكومه‌تی فیدراڵی و نوێنه‌ری سه‌رۆك وه‌زیران بانگێشت بكات بۆ گفتوگۆكردن له‌سه‌ر بابه‌تی جێبه‌جێكردنی یاسای بودجه‌ی گشتی 2019.

دیلان غه‌فور ئه‌ندامی ئه‌نجومه‌نی نوێنه‌رانی عیراق له‌سه‌ر فراكسیۆنی یه‌كێتیی نیشتمانیی كوردستان ئه‌مڕۆ 15-7-2019، به‌ PUKmedia ی راگه‌یاند: بڕیاره‌ ئه‌نجومه‌نی نوێنه‌ران له‌ دانیشتنی داهاتوویدا هه‌ریه‌ك له‌ وه‌زیری دارایی و وه‌زیری نه‌وت و سه‌رۆكی دیوانی چاودێری دارایی و بانگهێشت بكات، وتیشی: دانیشتنه‌كه‌ رۆژی 20-7-2019، به‌ڕێوه‌ده‌چێت و تایبه‌ت ده‌بێت به‌ گفتوگۆكردن له‌سه‌ر جێبه‌جێكردنی یاسای بودجه‌ی گشتی 2019.

راشیگه‌یاند: له‌و دانیشتنه‌دا ئه‌نجومه‌نی نوێنه‌ران، گفتوگۆ له‌گه‌ڵ ئه‌و به‌رپرسه‌ باڵایانه‌ی ده‌سه‌ڵاتی جێبه‌جێكردندا ده‌كات، كه‌ گفتوگۆكان تایبه‌ته‌ به‌ بابه‌تی پشكی هه‌رێم له‌ بودجه‌ی گشتی و راده‌ستكردنی نه‌وت له‌لایه‌ن هه‌ێمه‌وه‌، هه‌روه‌ها تاوتوێكردنی راپۆرتی لیژنه‌ی دارایی، له‌سه‌ر ئه‌و بابه‌ته‌.

PUKmedia تایبه‌ت