مه‌كته‌بی سیاسی یه‌كێتی پیرۆزبایی له‌ مالیكی ده‌كات

.

به‌بۆنه‌ی سه‌ركه‌وتنی كۆنگره‌ی حزبی ده‌عوه‌و هه‌ڵبژاردنه‌وه‌ی د. نوری مالیكی به‌ ئه‌مینداری گشتی ئه‌و حزبه‌، مه‌كته‌بی سیاسی یه‌كێتیی نیشتمانیی كوردستان، بروسكه‌یه‌كی پیرۆزبایی، ئاڕاسته‌ی حزبی ده‌عوه‌و نوری مالیكی كردووه‌، كه‌ ئه‌مه‌ ده‌قه‌كه‌یه‌تی:

بروسكه‌ی پیرۆزبایی
به‌ڕێز / د. نوری مالیكی ئه‌مینداری گشتی حزبی ده‌عوه‌
بابه‌ت / پیرۆزبایی
به‌بۆنه‌ی سه‌ركه‌وتنی كۆنگره‌ی حزبه‌ تێكۆشه‌ره‌كه‌تان، حزبی ده‌عوه‌و هه‌ڵبژاردنه‌وه‌ی به‌ڕێزتان وه‌ك ئه‌میندار، گه‌رمترین پیرۆزبایتان لێده‌كه‌ین و هیوای سه‌ركه‌وتنتان بۆ ده‌خوازین.
یه‌كێتیی نیشتمانیی كوردستان په‌یوه‌ندییه‌كی دۆستانه‌ی له‌مێژینه‌ی له‌گه‌ڵ حزبی ده‌عوه‌دا هه‌یه‌، كه‌ هاوخه‌باتی له‌پێناوی رووبه‌روبونه‌وه‌ سته‌می رژێمی پێشوو و بنیادنانه‌وه‌ی عیراق له‌سه‌ر بنه‌مای چه‌سپاندنی فیدرالی و پێكه‌وه‌ژیانی ئاشتیانه‌ی نێوان هه‌موو پێكهاته‌كاندا له‌دوای پرۆسه‌ی ئازادی عیراق له‌ وێستگه‌ دره‌وشاوه‌كانی ئه‌م په‌یوه‌ندییه‌ن.
ئومێده‌وارین سه‌ركه‌وتنی كۆنگره‌تان و هه‌ڵبژاردنه‌وه‌ی به‌ڕێزتان وه‌ك ئه‌مینداری گشتی، په‌یوه‌ندی نێوان حزبی ده‌عوه‌و یه‌كێتی نیشمانیی كوردستان و هه‌موو هێزه‌ سیاسیه‌ تێكۆشه‌ره‌كانی عیراق زیاتر به‌ره‌وپیشه‌وه‌ ببات، له‌پێناوی چاره‌سه‌ركردنی كێشه‌كان و جێبه‌جێكردنی ده‌ستورو پاراستنی به‌رژه‌وه‌ندییه‌ نیشتمانیه‌كان.
له‌گه‌ڵ ئه‌وپه‌ری رێزماندا...

مه‌كته‌بی سیاسی
یه‌كێتیی نیشتمانیی كوردستان

PUKmedia