د.رێواز فایەق: چەتری كۆكەرەوەی رەنگە جیاوازەكان دەبین
کوردستان 01:25 PM - 2019-07-11.
سەرۆكی نوێی پەرلەمانی كوردستان رایگەیاند: دوای 10 مانگ بەسەر هەڵبژاردنەكان ئێستا خەڵكی كوردستان چاوەڕێی هەنگاوی كردەییە لەپەرلەمان و حكومەت و سەرۆكایەتی هەرێم دەكەن تا كێشەكانی خەڵك چارەسەر بكەن، دەشڵێت: چەتری كۆكەرەوەی سەرجەم فراكسیۆنەكان و رەنگە جیاوازەكانی پەرلەمان دەبین تا پەرلەمان وەك مەرجەعی بڕیارە چارەنوسسازەكانی خەڵكی كوردستان رۆڵی كارای خۆی لەپرۆسەی تەشریعی قانون و بەرقەراركردنی یاساو دادپەروەری كۆمەڵایەتی و بەرەنگار بوونەوەی گەندەڵی و دابینكردنی شەفافیەت بگێڕێت.
ئەمڕۆ 11ی تەموزی 2019، د.رێواز فایەق سەرۆكی پەرلەمانی كوردستان دوای هەڵبژاردنی بەسەرۆكی پەرلەمانی كوردستان لەوتارێكیدا سوپاسی خەڵكی كوردستان و پەرلەمانتاران و سەرجەم فراكسیۆنەكان كرد بۆ ئەو متمانەیەی پێیانداوەو بەسەرۆكی پەرلەمان هەڵبژێردراوە، راشیگەیاند: ئەم ئەركە نوێیە بەرپرسیارێتییەكی مێژووی دەخاتە سەرشانمان، دڵنیاتان دەكەمەوە لەگەڵ دەستەی سەرۆكایەتی پەرلەمانی كوردستان هەموو هەوڵێك دەخەینەگەڕ بۆ ئەوەی هۆكاری بەهێزكردنی پێكەوە ژیان و پێكەوە كاركردن بین بۆ تێپەڕاندنی دۆخی قەیرانە سیاسی و دارایی و ئابورییەكان كە چەند ساڵە باڵی بەسەر هەرێم و پەیوەندی نێوان هێزە سیاسیەكان و فراكسیۆنەكاندا كێشابوو.
سەرۆكی پەرلەمان راشیگەیاند: رێككەوتنی نێوان لایەنە سیاسیەكان و پێكهێنانی كابینەی نوێی حكومەتی هەرێم و كاراكردنەوەی دامەزراوەی سەرۆكایەتی هەرێم هەنگاوی گرنگن بۆ دەستپێكردنی قۆناغێكی نوێی پێكەوە كاركردنی فراكسیۆن و لایەنە سیاسیەكان بۆ چارەسەركردنی كێشەو قەیرانەكان و جێبەجێكردنی داخوازی خەڵكی كوردستان.
لەبەشێكی دیكەی وتارەكەیدا، وتی: وەك سەرۆكایەتی پەرلەمان هەوڵدەدەین نوێنەری هەموو خەڵكی كوردستان بین، چەتری كۆكەرەوەی سەرجەم فراكسیۆنەكان و رەنگە جیاوازەكانی پەرلەمان دەبین تا پەرلەمان وەك مەرجەعی بڕیارە چارەنوسسازەكانی خەڵكی كوردستان رۆڵی كارایی خۆی لەپرۆسەی داڕشتنی یاساو چاودێریكردنی حكومەت و بەدواداچوون بۆ جێبەجێكردنی یاساكان و پەسەندكردنی بودجەی ساڵانەی هەرێم بگێڕێت، هەروەها بەهێزكردنی هاوئاهەنگی نێوان سەرۆكایەتی پەرلەمان و سەرۆكایەتی هەرێم و ئەنجومەنی وەزیران و پرۆسەی تەشریعی قانون و بەرقەراركردنی یاساو دادپەروەری كۆمەڵایەتی و بەرەنگار بوونەوەی گەندەڵی و دابینكردنی شەفافیەت.
ئەوەشی وت: دوای 10 مانگ بەسەر هەڵبژاردنەكان، ئێستا خەڵكی كوردستان چاوەڕێی هەنگاوی كردەییە لەپەرلەمان و حكومەت و سەرۆكایەتی هەرێم دەكەن تا كێشەكانی خەڵك و پاشەكەوتی مووچەی فەرمانبەران چارەسەر بكەن و ئاستی خزمەتگوزاری بەرزبكەنەوەو دەرفەتی كار بەڕووی دەرچووانی زانكۆو پەیمانگاكان لەكەرتی گشتی و تایبەت فەراهەم بكەن.
PUKmedia تایبەت
هەواڵی زیاتر
-
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
05:41 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
11:57 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
05:26 PM - 2024-03-27
ئەمانەش ببینە
کوردستان 10:23 AM - 2024-03-29 نێروەیی: روسیا وەک سەرۆک و سەرکردەیەکی کوردستانی و عیراق پێشوازی لە سەرۆک بافڵ دەکات
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
10:31 PM - 2024-03-28
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
08:34 PM - 2024-03-28
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
03:46 PM - 2024-03-28
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
12:56 PM - 2024-03-28
زۆرترین خوێنراو
-
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
جیهان 10:31 PM - 2024-03-28 -
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
کوردستان 08:34 PM - 2024-03-28 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
کوردستان 05:41 PM - 2024-03-28 -
سێ (D) یەکەی مام
بیروڕا 04:57 PM - 2024-03-28 -
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
کوردستان 03:46 PM - 2024-03-28 -
پرسەنامەی قوباد تاڵەبانی بۆ خانەوادەی ئەحمەد خدر
پرسەنامە 03:03 PM - 2024-03-28 -
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
کوردستان 12:56 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
کوردستان 11:57 AM - 2024-03-28