riklam

یەكێتی و پارتی پرسی پارێزگاری كەركوك یەكلادەكەنەوە

ی.ن.ک‌‌ 10:24 AM - 2019-07-11
.

.

بڕیارە ئەمڕۆ وەفدی یەكێتی و پارتی لەسلێمانی كۆببنەوەو پرسی یەكلاكردنەوەی پارێزگاری كەركوك و هێوركردنەوەی بارودۆخی شارەكەو هەنگاوەكانی دوای پێكهێنانی حكومەتی نوێ تەوەری كۆبوونەوەكەیان بێت.

بەپێی زانیارییەكانی PUKmedia ئەمڕۆ 11ی تەموزی 2019، وەفدێكی مەكتەبی سیاسی پارتی دیموكراتی كوردستان سەردانی مەكتەبی سیاسی یەكێتیی نیتشمانیی كوردستان بكات لەسلێمانی.

تەوەری گرنگی كۆبوونەوەكەش پرسی پارێزگاری كەركوك دەبێت و یەكلادەكرێتەوەو بەڕەسمی پارێزگارێكی كورد كە تەیب جەبار كاندیدە بۆ ئەو پۆستە، رابگەیەنرێت.

هەر لەكۆبوونەوەكەدا گفتوگۆ لەبارەی هێوركردنەوەی بارودۆخی كەركوك و هەنگاوەكانی دوای پێكهێنانی حكومەت لەلایەن هەردوو حزبەوە گفتوگۆی لەبارەوە دەكرێت.

ئەمەش لەكاتێكدایە كە پێشتر یەكێتی و پارتی لەسەر ئەوە رێككەوتبوون هاوتەریب لەگەڵ پێكهێنانی حكومەتی نوێی هەرێم پرسی پارێزگاری كەركوكیش یەكلابكرێتەوە.

PUKmedia تایبەت 

 

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket