لاهای لێكۆڵینه‌وه‌ له‌به‌كارهێنانی كیمیایی له‌سوریا ده‌كات

.

دامه‌زراوه‌ی دژی به‌كارهێنانی چه‌كه‌ قه‌ده‌غه‌كراوه‌كان لاهای له‌رێگه‌ی تیمه‌كانیه‌وه‌ لێكۆڵینه‌وه‌ له‌ نۆ حاڵه‌تی به‌كارهێنانی چه‌كی كیمیایی ده‌كات له‌سوریا.

سه‌رچاوه‌یه‌ك به‌ئاژانسی هه‌واڵی رۆیته‌رزی راگه‌یاندوه‌:" ده‌زگای دژه‌ به‌كارهێنانی چه‌كی كیمیایی له‌ لاهای، لێكۆڵینه‌وه‌ له‌ به‌كارهێنانی چه‌كی كیمیایی ده‌كات له‌نۆ  حاڵه‌تدا".

رونیشكراوه‌ته‌وه‌:" ئه‌و تیمه‌ی ره‌وانه‌ی سوریا ده‌كرێن، بۆیان هه‌یه‌ لێكۆڵینه‌وه‌ له‌و كه‌سانه‌ش بكه‌ن، كه‌ تۆمه‌تبارن به‌ فه‌رمانكردن به‌به‌كارهێنانی چه‌كی كیمیایی و ناوه‌كانیشیان ئاشكرا بكه‌ن" 

ئاماژه‌ به‌وه‌شدراوه‌:" گرنگترین شوێنی لێكۆڵینه‌وه‌كه‌ شاری دۆما ده‌بێت، كه‌ساڵی رابردوو به‌هۆی چه‌كی كیمیاییه‌وه‌ ژماره‌یه‌كی زۆر منداڵ گیانیان له‌ده‌ستدا".

PUKmedia رۆیته‌رز