به‌ریتانیاو فه‌ڕه‌نسا هێزه‌كانیان له‌ سوریا زیاد ده‌كه‌ن

به‌ریتانیاو فه‌ڕه‌نسا هێزه‌كانیان له‌ سوریا زیاد ده‌كه‌ن


10/7/2019 21:23:00
چاپ کردن
بە وێنەوە    بە بێ وێنە
           
.

به‌ریتانیاو فه‌ڕه‌نسا ره‌زامه‌ندییان نیشاندا دوای كشانه‌وه‌ی هێزه‌كانی ئه‌مریكا له‌ سوریا، ژماره‌ی سه‌ربازه‌كانیان له‌و وڵاته‌دا زیاتر بكه‌ن و شوێنی هێزه‌كانی ئه‌مریكا بگرنه‌وه‌.

گۆڤاری فۆرن پۆلیسی ئه‌مریكا له‌ زاری چه‌ند سه‌رچاوه‌یه‌كه‌وه‌ بڵاویكردووه‌ته‌وه‌، به‌ریتانیا و فه‌ڕه‌نسا وه‌ك دوو هاوپه‌یمانی ئه‌مریكا ره‌زامه‌ندییان نیشانداوه‌ له‌گه‌ڵ كشانه‌وه‌ی هێزه‌كانی ئه‌مریكا له‌ سوریا، ژماره‌ی سه‌ربازه‌كانیان له‌و وڵاته‌دا زیاتر بكه‌ن.

لێپرسراوێك له‌ ئیداره‌ی ئه‌مریكا به‌ فۆرن پۆلیسی راگه‌یاندووه‌: به‌ریتانیا و فه‌ڕه‌نسا تاكه‌ هاوبه‌شی ئه‌مریكان كه‌ هه‌تا ئێستا هێزی وشكانییان له‌ خاكی سوریا هه‌یه‌ و پابه‌ندنیشن به‌وه‌ی ژماره‌ی هێزه‌كانیان به‌ رێژه‌ی 10% بۆ 15% زیاتربكه‌ن.

ئاماژه‌ی به‌وه‌شكردووه‌، وڵاتانی تریش ژماره‌یه‌ك هێزی سنووردار ده‌نێرنه‌ سوریا، به‌ڵام له‌ به‌رامبه‌ردا ویلایه‌ته‌ یه‌كگرتووه‌كانی ئه‌مریكا ده‌بێت تێچووی هێزه‌كه‌ بگرێته‌ ئه‌ستۆ، هه‌روه‌ها جگه‌ له‌ به‌ریتانیا و فه‌ڕه‌نساش، ئیتاڵیاش نزیكه‌ له‌وه‌ی بریاری ناردن یان نه‌ناردنی هێزی زیاتر بدات بۆ سوریا.

به‌پێی میدیاكانی ئه‌ڵمانیا، به‌رلین داوای ئه‌مریكای سه‌باره‌ت به‌ نارندی هێزی وشكانی بۆ سوریا ره‌تكردووه‌ته‌وه‌. له‌ جه‌نگی سوریا، ئه‌ڵمانیا ته‌نیا به‌ فڕۆكه‌ی چاودێریكردن و فڕۆكه‌ی سووته‌مه‌نی هه‌ڵگر و چه‌ندین هاوكاریی سه‌ربازیی به‌شداریی له‌ شه‌ڕی دژی تیرۆریستانی داعشدا كردووه‌.

گۆڤاره‌ ئه‌مریكییه‌كه‌ ئاماژه‌ی به‌وه‌شكردووه‌، زیادكردنی ژماره‌ی سه‌ربازه‌ به‌ریتانی و فه‌ڕه‌نسییه‌كان له‌ سوریا پێناچێت به‌ ته‌واوه‌تیی شوێنی سه‌ربازه‌ ئه‌مریكییه‌كان له‌ دوای كشانه‌وه‌ پڕبكه‌نه‌وه‌، له‌ كاتێكدا چاوه‌ڕوانده‌كرێت ئه‌مریكا ژماره‌ی سه‌ربازه‌كانی خۆی له‌ سوریا له‌ 2000 سه‌رباز كه‌مبكاته‌وه‌ بۆ ته‌نیا 400 سه‌رباز، ژماره‌ی ته‌واوه‌تیی سه‌ربازه‌ فه‌ڕه‌نسی و به‌ریتانییه‌كان له‌ سوریا تا ئێستا ئاشكرا نییه‌، به‌ڵام سه‌رچاوه‌یه‌ك ژماره‌ی سه‌ربازانی هه‌ردوو وڵاته‌كه‌ له‌ نێوان 200 بۆ 300 سه‌رباز ده‌خه‌مڵێنێت.

دۆناڵد ترامپ سه‌رۆكی ئه‌مریكا له‌ كانونی یه‌كه‌می ساڵی 2018 كشانه‌وه‌ی سه‌ربازانی وڵاته‌كه‌ی له‌ خاكی سوریا راگه‌یاند، ئه‌م بڕیاره‌ی سه‌رۆكی ئه‌مریكا ناڕه‌زایی به‌دوایخۆیدا هێنا و جه‌یمس ماتیس وه‌زیری به‌رگریی ئه‌مریكا و چه‌ند لێپرسراوی تر بڕیاری ده‌ستله‌كاركێشانه‌وه‌یان دا، له‌گه‌ڵ ئه‌وه‌شدا تا ئێستا بڕیاری كشانه‌وه‌كه‌ نه‌چووه‌ته‌ بواری جێبه‌جێكردنه‌وه‌ و پێشبینیش ده‌كرێت ئه‌مریكا ژماره‌یه‌ك سه‌ربازی كه‌م له‌ سوریا جێبهێڵێت.

PUKmedia ئاژانسه‌كان

وێنە هەواڵ
  • image04
  • خؤثيشاندان لةلوبنان

  • image04
  • محه‌مه‌دی 13 ساڵان یه‌كێك له‌ بریندارانی چه‌كی قه‌ده‌غه‌كراو له‌ رۆژئاوا

  • image04
  • حەلەبی سوریا.. وێنەی فرانس پرێس

  • image04
  • شه‌هید فاتیح.. یه‌كه‌م شه‌هیدی شۆڕشی نوێ

  • image04
  • له‌ سلێمانیه‌وه‌ پشتگیری رۆژئاوا ده‌كرێت

  • image04
  • كورد له‌ رۆژئاوا ئاواره‌ ده‌بێته‌وه‌

  • image04
  • پەیكەر بۆ د.جەمال ئەحمەد ناسراو بە (باوكی منداڵان) دروستدەكرێت

  • image04
  • لەساڵیادی كۆچی دوایی مام جەلال دا، مەلا بەختیار سەردانی خاتوو هێرۆ ئیبراهیم ئەحمدی کرد


                                           

كۆمیتەی فینلاند چەند تەوەرێك تاوتوێ دەكات


كۆمیتەی فینلاندی یەكێتیی نیشتمانیی كوردستان لەشاری ئێسپۆ كۆبۆوە و  تێیدا چەند تەوەرێكیان تاوتوێ كرد.

رۆژی 19-10-2019، لەشاری ئ...


  نه‌مسا.. كه‌رتی رێكخستنی ڤین كۆنفرانسی ئه‌نجامدا
  كه‌نه‌دا.. كۆنفرانسی ماڵی كورد به‌ڕێوه‌چوو
                                           

عومەر شێخ موس: سەركردایەتیی كورد لەسیاسەت تێ نەگەیشتووە


عومەر شێخ موس، سیاسەتمەداری كورد، كە خەڵكی رۆژئاوای كوردستانە جەخت لەسەر ئەوە دەكاتەوە، ئەو پشتتێكردنەی ئەمەریكا لە رۆژئاوای كوردستان ئەگەر هەیە لە دژی هەرێمی كوردستانیش دووبارە ببێتەوە و دەشڵێت: ب...


  حاجی مەسیفی: بۆ دانانی پارێزگاری كەركوك چیتر سەبرمان نەماوە
  موكه‌ڕه‌م تاڵه‌بانی: به‌ بارزانیم وت ڕیفراندۆم سودی بۆ كوردستان نابێت
                                           

خوێندنه‌وه‌یه‌ك بۆ كتێبی(چین زلهێزی نوێی جیهان)

چاپی دووه‌می كتێبی چین زلهێزی نوێی جیهان كه‌وته‌ به‌ردیدی خوێنه‌ران و كتێبخانه‌ی كوردی، ئه‌م كتێبه‌ هه‌روه‌كو له‌سه‌ر به‌ر...


  %40ی رێگەكانی هەرێم بۆ شۆفێری گونجاونین
  ئاڵتونی زۆر بەختی كچانی دهۆك دەسوتێنێت


کاریکاتێر