مه‌لا به‌ختیار: هه‌ر پێشمه‌رگه‌كه‌ی حه‌فتاوحه‌وتم

مه‌لا به‌ختیار: هه‌ر پێشمه‌رگه‌كه‌ی حه‌فتاوحه‌وتم


10/7/2019 20:42:00
چاپ کردن
بە وێنەوە    بە بێ وێنە
           
.

ژماره‌یه‌ك له‌خزمانی دۆڵه‌ڕووت‌و شارباژێڕ، سه‌ردانی لێپرسراوی ده‌سته‌ی كارگێڕی ده‌كه‌ن‌و له‌دیدارێكیشدا كه‌ ئه‌مڕۆ 10-7-2019، به‌ڕێوه‌چوو، سه‌ردانه‌كه‌یان به‌مایه‌ی ه‌و خۆشه‌ویستی‌و رێزگرتنیان له‌دۆستایه‌تییه‌ ناوبرد كه‌ له‌گه‌ڵ مه‌لا به‌ختیار، لێپرسراوی ده‌سته‌ی كارگێڕی هه‌یانه‌و مێژووه‌كه‌ی بۆ سه‌رده‌می شۆڕش دده‌گه‌ڕێته‌وه‌و وتیشیان: ئێمه‌ نامانه‌وێ‌ ره‌نج‌و مێژوومان به‌هه‌ده‌ر بڕوات، چونكه‌ شانازی به‌و مێژووه‌ی رابردوومانه‌وه‌، هه‌م له‌خه‌بات‌و هه‌م له‌قوربانیدانه‌كانمان ده‌كه‌ین.

له‌به‌رامبه‌ریشدا، مه‌لا به‌ختیار، وێڕای به‌خێرهێنان، خۆشحاڵی خۆی به‌دیداره‌كه‌ نیشانداو وتی: یه‌كێتی، قه‌رزاری زۆری چه‌ند ناوچه‌یه‌كه‌‌و یه‌كێكیش له‌وانه‌ دۆڵی جافایه‌تییه‌. چونكه‌ یه‌كه‌م مه‌فره‌زه‌ی یه‌كێتی له‌و ناچه‌یه‌ دروستبووه‌. دووه‌م: هه‌میشه‌ ئه‌و دۆڵه‌، شاخه‌كانی‌و دێهاته‌كانی، ئه‌شكه‌وت‌و كانیاو ‌و كێڵگه‌كانی، په‌ناگای یه‌كێتی‌و سه‌ركردایه‌تی‌و فه‌رمانده‌كانیشی بووه‌‌و وتیشی: به‌ به‌رده‌وامی ئه‌و دێهاتانه‌، چاویان له‌ئاسمان بووه‌ كه‌ی كۆپته‌ر دێته‌ سه‌ریان، چاویشیان له‌رێگه‌ بووه‌ كه‌ی جه‌یش‌و جاش دێته‌ سه‌ریان. سه‌ره‌نجام‌و له‌دوای دانوستاندنی (1985)یشه‌وه‌ خۆتان ده‌زانن، مه‌كته‌بی سیاسی‌و سه‌ركردایه‌تی‌و جه‌نابی مام جه‌لال-یش له‌سه‌ر سنور ترازان‌و هاتنه‌ ئه‌ملاوه‌‌و رایگه‌یاند: پێشتر ئه‌مه‌م نوسیوه‌و ئێستاش ده‌یڵێمه‌وه‌: دۆڵی جافایه‌تی نه‌بوایه‌‌و له‌لایه‌ن یه‌كێتییه‌وه‌ كۆنتڕۆڵ نه‌كرایه‌‌و له‌ژێر ده‌سه‌ڵاتی یه‌كێتی نه‌بوایه‌، یه‌كێتیی نیشتمانیی كوردستان، نه‌ سه‌ركردایه‌تییه‌كه‌ی ده‌یتوانی سه‌ركردایه‌تی گه‌له‌كه‌مان بكات‌و نه‌ ناوچه‌كانی شاره‌زوور هه‌ڵه‌بجه‌، گه‌رمیان، بازیان‌و قه‌ره‌داغ‌و.. تد ده‌یانتوانی فریای سه‌ركردایه‌تی بكه‌ون‌و له‌كاتی شه‌ڕه‌كاندا هیممه‌ت بكه‌ن‌و بڕیاره‌كانیش جێبه‌جێ‌ بكه‌ن. بۆیه‌ دۆڵی جافایه‌تی، به‌شاخه‌كانی‌و دێهاته‌كانییه‌وه‌، گرێی هه‌موو ناوچه‌كان بوو كه‌ هێزه‌كان به‌یه‌كه‌وه‌ ببه‌ستێته‌وه‌، بۆیه‌ كاتی خۆیشی له‌دوو سێ‌ وێستگه‌دا نه‌مانهێشت ئه‌م ناوچه‌یه‌مان له‌ده‌ست بڕوات. شه‌هیده‌كانتان‌و تێكۆشه‌ره‌كانیشتان شاهێدی ئه‌وه‌ن‌و متمانه‌ی به‌شێكیش له‌پێشمه‌رگه‌كان له‌و ناوچه‌یه‌، كه‌ له‌گه‌ڵ جه‌نابی مام جه‌لال، یان له‌گه‌ڵ ئێمه‌و مانان بوون، به‌ڵگه‌ی دڵسۆزیی خه‌ڵكه‌ بووه‌و سه‌ره‌نجامیش به‌هۆی زاڵبوونی ئیراده‌ی یه‌كێتیانه‌ له‌ناوماندا، ئاڵای سپیمان له‌هیچ كام له‌كاره‌سات‌و رووداوه‌كاندا كه‌ رویاندا،  به‌رز نه‌كرده‌وه‌و كۆڵمان نه‌داو درێژه‌مان به‌خه‌باتدا هه‌تا گه‌یاندمانه‌ راپه‌ڕین‌و هه‌ڵبژاردن‌و سه‌ركه‌وتنیش.

مه‌لا به‌ختیار، له‌درێژه‌ی دیداره‌كه‌دا، ئاماژه‌ی بۆ ئه‌وه‌شكرد: ئێستاش خۆشبه‌ختین كه‌ له‌گه‌ڵ ئێوه‌و مانان داده‌نیشین‌و ده‌توانین به‌شانازییه‌وه‌ باسی شۆڕش بكه‌ین‌و خۆشمان به‌قه‌رزارباری هه‌موو قوربانی‌و خزمه‌ته‌كانی ئێوه‌ بزانین. ئه‌وه‌ی به‌مه‌ نه‌زانێت‌و ئه‌وه‌ی له‌ڕێگه‌ی راست‌و دروست لایداوه‌و هه‌ڵسوكه‌وته‌كانی به‌دڵی میلله‌ته‌كه‌ نییه‌، به‌دڵناییه‌وه‌ مێژوو ره‌حمیان پێناكات. چونكه‌ كه‌سی شۆڕشگێڕو ئه‌وكه‌سه‌ی بیروباوه‌ڕی هه‌بێ‌، هه‌تا ده‌چێته‌ گۆڕه‌كه‌ی ده‌بێت هه‌ر پابه‌ندی بیروباوه‌ڕه‌كه‌یی بێت. چونكه‌ هه‌موان به‌هۆی یه‌كێتییه‌وه‌ ئه‌وه‌ین كه‌ هه‌ین! هه‌موو ئه‌وانه‌شی خۆشه‌ویستی ئه‌م میلله‌ته‌ له‌ده‌ستده‌ده‌ن‌و له‌یه‌كێتی و له‌مام جه‌لال‌و رێبازی مامیان ده‌ڕه‌نجێنن، به‌ناشرینی ده‌چنه‌ مێژووه‌وه‌.

وتیشی: به‌شبه‌حاڵی خۆم هه‌ر ئه‌و مه‌لا به‌ختیاره‌م كه‌ساڵه‌كانی (77 و 78) منتان دیوه‌و هه‌ر پێشمه‌رگه‌كه‌ی ئه‌وكاته‌م‌و به‌و رۆحیه‌ته‌شه‌وه‌ ده‌مێنمه‌وه‌. هه‌ركاتێكیش بیرم كرده‌وه‌ كاسبی بكه‌م لێپرسراو نابم! به‌ڵام هه‌تا لێرپرسراو بم كاری واناكه‌م‌و لێپرسراوم و له‌خزمه‌تام.

PUKmedia

وێنە هەواڵ
  • image04
  • شێرێكی عیراقی مافی په‌نابه‌ری له‌هۆڵه‌ندا وه‌رده‌گرێت

  • image04
  • 21ساڵ به‌سه‌ر په‌یماننامه‌ی ڕۆمادا تێده‌په‌ڕێت

  • image04
  • وه‌فده‌ باڵاكه‌ی هه‌رێم گه‌یشته‌ به‌غدا

  • image04
  • یه‌كه‌مین كۆبوونه‌وه‌ی ئه‌نجومه‌نی وه‌زیرانی هه‌رێم

  • image04
  • نیویۆرك چه‌ند سه‌عاتێكی به‌بێ كاره‌با به‌ڕێكرد

  • image04
  • هەولێر...كۆگایەك گڕدەگرێت

  • image04
  • قەزای سۆران.. لەڕووداوێكی هاتووچۆدا دوو برا گیانیان لەدەستدا

  • image04
  • د.رێواز فایەق بەسەرۆكی پەرلەمان هەڵبژێردرا


                                           

كۆمیته‌ی ئوسترالیا سه‌ردانی كونسوڵخانه‌ی عیراق ده‌كات


له‌سه‌ر داوای ره‌سمی باسم داود كونسوڵی گشتی كۆماری عیراقی فیدراڵ، ئه‌مڕۆ 18-7-2019، كۆمیته‌ی ڕێكخستنی (ی. ن. ك) له‌ ئوسترالیا ، ...


  ڕێكخراوی چه‌پك به‌شداری هه‌فته‌ی كه‌لتوری برۆكسلی كرد
  بەوێنە.. مەراسیمی ماڵئاوایكردن لەتەرمی هینرێتا پیرە
                                           

ئۆغڵو: ئامه‌د به‌ره‌و شارێكی گه‌شتیاری هه‌نگاو ده‌نێت


ئۆزگور محه‌مه‌د ئۆغڵو: پارێزگای ئامه‌د له‌بواری گه‌شتوگوزار پێشكه‌وتنێكی به‌رچاوی به‌خۆیه‌وه‌ بینیوه‌و ساڵانه‌ش (3) ملیۆن و (50...


   سزای ته‌مه‌لی: پیلان هه‌یه‌ بۆ سڕینه‌وه‌ی كورد
  یەكێتیی لە هەموو جومگەكانی بڕیاردان پۆستی دەبێت
                                           

پەرلەمانتارێك: سەردانی وەفدی هەرێم بۆ بەغدا "ئەنجامی زۆرباش"ی دەبێت

دوای پێكهێنانی كابینەی نوێی وەفدی باڵای حكومەتی هەرێم بەسەرۆكایەتی مەسرور بارزانی سەرۆكی حكومەت و قوباد تاڵەبانی جێگری سەرۆكی حكومەت و ئەندامێتی هەریەك لە وەزیرانی (ناوخۆ- دارایی –پ...


  هه‌كاریی، جوگرافیای كاره‌سات و كۆڵنه‌دانی یه‌كێتی
  بڕیارێك نرخی ئۆتۆمبێل له‌هه‌رێم به‌رزده‌كاته‌وه‌


کاریکاتێر