نێچیرڤان بارزانی: دڵنیام قوباد تاڵەبانی دڵسۆزانە خزمەت دەكات

.

نێچیرڤان بارزانی سەرۆكی هەرێمی كوردستان پیرۆزبایی لە قوباد تاڵەبانی جێگری سەرۆك وەزیرانی هەرێمی كوردستان دەكات و دەڵێت: دڵنیام وەك هەمیشە دڵسۆزانە و بەهەستی بەرپرسیاریەتییەوە خزمەتی كوردستان دەكەیت و ئەرك و كارەكانتان جێبەجێ دەكەیت.

 دەقی پەیامەكەیە:

بەڕێز قوباد تاڵەبانی،

جێگری سەرۆك وەزیرانی هەرێمی كوردستان

سڵاو و ڕێز..

بەبۆنەی متمانەوەرگرتنی بەڕێزتان وەك جێگری سەرۆك وەزیرانی كابینەی نۆیەمی حكوومەتی هەرێمی كوردستان لەلایەن پەرلەمانی كوردستانەوە، بەگەرمی پیرۆزباییتان لێدەكەم. هیوای سەركەوتن بۆ ئێوە و كابینەی نۆیەمی حكوومەتی هەرێمی كوردستان دەخوازم.

خۆشحاڵ بووم كە ماوەی چەند ساڵی رابردوو لە حكومەتی هەرێمی كوردستان پێكەوە كارمانكرد، دڵنیام وەك هەمیشە دڵسۆزانەو بەهەستی بەرپرسیاریەتییەوە، خزمەتی كوردستان دەكەن و ئەرك و كارەكانتان جێبەجێ دەكەن.

وەك سەرۆكی هەرێمی كوردستان، بەردەوام دەبم لە پشتیوانی و هاوكاریكردنتان بۆ سەركەوتنی كارەكانتان لە كابینەی نوێدا.

نێچیرڤان بارزانی

سەرۆكی هەرێمی كوردستان

10/7/2019

PUKmedia