گرنگی زیاتر بە رێكخستنەوەی سیستمی هاتووچۆ دەدرێت

گرنگی زیاتر بە رێكخستنەوەی سیستمی هاتووچۆ دەدرێت


10/7/2019 15:10:00
چاپ کردن
بە وێنەوە    بە بێ وێنە
           
.

بە ئامانجی زیاتر رێكخستنەوەی سیستمی هاتووچۆ لە شاری سلێمانی چەند گۆڕانكاریەك لە شێوازی رێكخستنەوەی شەقام و رێگەسەرەكییەكاندا دەكرێت و لەرێگەی توندكردنی سزاكانی هاتووچۆ هەنگاوی پێویست بۆ كەمكردنەوەی رووداوەكانی هاتووچۆ دەنرێت. 

ئەمڕۆ چوارشەممە 10 تەموزی 2019، لە دیوانی قائیمقامیەتی سلێمانی بەئامادەبونی د.هەڤاڵ ئەبوبەكر پارێزگاری سلێمانی و ئاوات محەمەد قائیمقامی سلێمانی و عەمید فەرەیدون عومەر بەڕێوەبەری هاتووچۆی پارێزگای سلێمانی و لایەنەپەیوەندیدارەكان كۆبوونەوەیەكی فراوان بۆ رێكخستنەوەی سیستمی هاتووچۆ لە پارێزگای سلێمانی بەڕێوەچوو.

لە كۆنگرەیەكی رۆژنامەوانیشدا پارێزگاری سلێمانی رایگەیاند: مەبەست لە پێداچونەوە و گۆڕانكارییەكان لە سیستمی هاتوچۆی پارێزگاكە كارئاسانییە بۆ هاوڵاتیان و شۆفێران و پاراستنی بەرژەوەندی گشتی، ئاماژەی بۆ ئەوەشكرد ئەوەی پێویستبێت بۆ رێكخستنی سیستمی هاتووچۆ لە سلێمانی هەنگاوی پێویستی بۆ دەنرێت و لەرێگەی تیمەكانی هاتوچۆوە ئەو پێشنیار و گۆڕانكاریانە جێبەجێ دەكرێت كە لە كۆبوونەوەكەدا و بڕیاری پێویستیان لە بارەوە دراوە.

د.هەڤاڵ ئەبوبەكر وتیشی: بۆ كەمكردنەوەی ئاماری قوربانیان و رووداوەكانی هاتووچۆ  رێگەی پێویست و گونجاو دەگرنە بەر و پاراستنی ژیانی هاوڵاتیان ئەركی لە پێشینەی  تیمەكانی هاتووچۆ دەبێت لە پاڵ هەموو ئەو  ماندوبونانەی تر كە هەیانە بۆ رێكخستنەوەی سیستمی هاتووچۆ و كەمكردنەوەی گرفتەكانی هاتووچۆ لە رێگەو شەقام و سەنتەری شارەكاندا ، لە بارەی رێكخستنەوەی شێوازی بەكارهێنانی "ماتۆڕسكیل" پارێزگاری سلێمانی ووتی : بەپێی ئەو رێنماییە بەركارانەی كە لە ئارادان هەنگاوی پێویست دەنێن بۆ چۆنیەتی كاركردن و بەكارهێنانی ماتۆرَسكیل لە سەر شەقام و رێگەو بانەكان ، د.هەڤاڵ ئەبوبەكر دەستخۆشی لە قائیمقامیەتی سلێمانی و بەڕێوەبەرایەتی هاتووچۆی سلێمانی كرد لە بەرامبەر ئەو بیرۆكەو پرۆژانەی كە جێبەجێیان كردووە بۆ زیاتر خزمەتكردنی هاوڵاتیان و پێشكەشكردنی كارئاسانی بە هاوڵاتیان و شۆفێران .

لە بەشێكی تری كۆنگرە رۆژنامەوانییەكەدا عەمید فەرەیدون عومەر بەڕێوەبەری هاتووچۆی پارێزگای سلێمانی رایگەیاند: لەرابردوودا كاری زۆر گرنگ كراوە بۆ رێكخستنەوەی شەقام و رێگەو بانەكان و كەمكردنەوەی رووداوەكانی هاتووچۆ ، بەپێی ئاماری هاتووچۆی سلێمانیش ئاماری قوربانیانی هاتوچۆ لە شەشەمانگی رابردوودا بەبەراورد بە ساڵی رابردوو ئامارەكە بە رێژەیەكی بەرچاو كەمی كردووە ، ئەوەشی بۆ دڵسۆزی و هەواڵەكانی تیمەكانی هاتووچۆ گەڕاندەوە كە بێ هەستكردنی بەماندووبوون بەردەوامن لە جێبەجێ كردنی ئەركەكانیان.

بەڕێوەبەری هاتووچۆی سلێمانی ئاماژەی بۆ ئەوەشكرد، بۆ سەلامەتی گیانی هاووڵاتیان و زیاتر كەمكردنەوەی ئاماری قوربانیان و رێكخستنی سیستمی هاتووچۆ سزاكان توندتر دەكەن و رێگری تەواو لە هەموو جۆرەكانی سەرپێچی دەكەن ، كاری پێویستیش دەكەن بۆ كەمكردنەوەی جەنجاڵی و قەرەباڵغی لە شەقام و رێگەسەرەكییەكاندا .


PUKmedia  راگەیاندنی قائیمقامیەتی سلێمانی

وێنە هەواڵ
  • image04
  • شێرێكی عیراقی مافی په‌نابه‌ری له‌هۆڵه‌ندا وه‌رده‌گرێت

  • image04
  • 21ساڵ به‌سه‌ر په‌یماننامه‌ی ڕۆمادا تێده‌په‌ڕێت

  • image04
  • وه‌فده‌ باڵاكه‌ی هه‌رێم گه‌یشته‌ به‌غدا

  • image04
  • یه‌كه‌مین كۆبوونه‌وه‌ی ئه‌نجومه‌نی وه‌زیرانی هه‌رێم

  • image04
  • نیویۆرك چه‌ند سه‌عاتێكی به‌بێ كاره‌با به‌ڕێكرد

  • image04
  • هەولێر...كۆگایەك گڕدەگرێت

  • image04
  • قەزای سۆران.. لەڕووداوێكی هاتووچۆدا دوو برا گیانیان لەدەستدا

  • image04
  • د.رێواز فایەق بەسەرۆكی پەرلەمان هەڵبژێردرا


                                           

كۆمیته‌ی ئوسترالیا سه‌ردانی كونسوڵخانه‌ی عیراق ده‌كات


له‌سه‌ر داوای ره‌سمی باسم داود كونسوڵی گشتی كۆماری عیراقی فیدراڵ، ئه‌مڕۆ 18-7-2019، كۆمیته‌ی ڕێكخستنی (ی. ن. ك) له‌ ئوسترالیا ، ...


  ڕێكخراوی چه‌پك به‌شداری هه‌فته‌ی كه‌لتوری برۆكسلی كرد
  بەوێنە.. مەراسیمی ماڵئاوایكردن لەتەرمی هینرێتا پیرە
                                           

ئۆغڵو: ئامه‌د به‌ره‌و شارێكی گه‌شتیاری هه‌نگاو ده‌نێت


ئۆزگور محه‌مه‌د ئۆغڵو: پارێزگای ئامه‌د له‌بواری گه‌شتوگوزار پێشكه‌وتنێكی به‌رچاوی به‌خۆیه‌وه‌ بینیوه‌و ساڵانه‌ش (3) ملیۆن و (50...


   سزای ته‌مه‌لی: پیلان هه‌یه‌ بۆ سڕینه‌وه‌ی كورد
  یەكێتیی لە هەموو جومگەكانی بڕیاردان پۆستی دەبێت
                                           

پەرلەمانتارێك: سەردانی وەفدی هەرێم بۆ بەغدا "ئەنجامی زۆرباش"ی دەبێت

دوای پێكهێنانی كابینەی نوێی وەفدی باڵای حكومەتی هەرێم بەسەرۆكایەتی مەسرور بارزانی سەرۆكی حكومەت و قوباد تاڵەبانی جێگری سەرۆكی حكومەت و ئەندامێتی هەریەك لە وەزیرانی (ناوخۆ- دارایی –پ...


  هه‌كاریی، جوگرافیای كاره‌سات و كۆڵنه‌دانی یه‌كێتی
  بڕیارێك نرخی ئۆتۆمبێل له‌هه‌رێم به‌رزده‌كاته‌وه‌


کاریکاتێر